Loni Kalbhor News : लोणी काळभोर, (पुणे) : लोणी काळभोर (ता. हवेली) येथील ग्रामपंचायतीच्या उपसरपंचपदी प्रियांका सचिन काळभोर यांची बिनविरोध निवड झाली. ग्रामपंचायतीच्या उपसरपंच ललिता राजाराम काळभोर यांनी आपल्या पदाचा राजीनामा दिल्याने हि निवडणूक घेण्यात आली.
उपसरपंचपदी निवड
लोणी काळभोरचे सरपंच योगेश काळभोर यांच्या अध्यक्षतेखाली गुरुवारी (ता. ०९) ग्रामपंचायत कार्यालयात उपसरपंचपदाची निवडणूक घेण्यात आली. यावेळी उपसरपंच पदासाठी प्रियांका काळभोर यांचा एकमेव अर्ज आल्याने लोणी काळभोरचे सरपंच योगेश काळभोर यांनी प्रियांका काळभोर यांची उपसरपंचपदी बिनविरोध निवड झाल्याची घोषणा केली. ग्रामविकास आधिकारी सतीश गवारे यांनी निवडणूकीचे कामकाज पाहिले.
यावेळी माजी जिल्हा परिषद सदस्य माधव काळभोर, विलास आण्णा काळभोर, महाराष्ट्र केसरी पै. राहुल काळभोर, माजी सभापती प्रताप आण्णा गायकवाड, शिवदास काळभोर, माजी उपसभापती सनी काळभोर, माजी सरपंच राजाराम काळभोर, माजी उपसरपंच ज्योती काळभोर, ललिता काळभोर, नागेश काळभोर, भरत काळभोर, साविता लांडगे, सामाजिक कार्यकर्ते सचिन काळभोर, सुभाष आप्पा काळभोर, अमित काळभोर, युवराज काळभोर, राजेंद्र काळभोर, आदी ग्रामपंचायत कर्मचारी वृंद व ग्रामस्थ उपस्थित होते.
दरम्यान, गावच्या सर्वागिण विकास कामासाठी सरपंच – ग्रामपंचायत सदस्य आम्ही सर्व जण प्रयत्न करु तसेच येणाऱ्या भविष्यकाळात मला मिळालेल्या पदाचा विकासकामे करत असताना नागरिकांनी सहकार्य करण्याचे आवाहन नवनिर्वाचित उपसरपंच प्रियांका काळभोर यांनी केले.
