Anant -Radhika Wedding : भारताचे नामवंत उद्योगपती मुकेश अंबानी यांचा धाकटा मुलगा अनंत अंबानी लवकरच लग्नबंधनात अडकणार आहे. येत्या 12 जुलै रोजी अनंत आणि राधिका यांचा शाही विवाहसोहळा पार पडणार आहे. यावेळी देशभरातील नामवंत व्यक्ती, उद्योजक, सेलिब्रिटी या विवाहासाठी उपस्थित राहणार आहेत. त्याच दरम्यान अनंत-राधिकाच्या लग्नपत्रिकेचा व्हिडिओ समोर आला असून सध्या सोशल मीडियावर मोठ्या प्रमाणात व्हायरल होत आहे.
View this post on Instagram
ही लग्नपत्रिका म्हणजे एका लाल रंगाच्या बॉक्समध्ये चांदीचं मंदिर आहे. ज्यात गणपती, राधाकृष्ण आणि दुर्गा देवीची सोन्याची मुर्ती आहे. यासोबत एक चांदीचा बॉक्सही आहे. हा बॉक्स उघडताच हिंदी मंत्र ऐकू येतात. यासोबत एक रुमाल दिसतो ज्यात अनंत आणि राधिकाच्या नावाचा ‘अ’ आणि ‘र’ लिहिण्यात आला आहे. अनंत अंबानी आणि राधिका मर्चंट यांच्या लग्नाची पत्रिका ही भक्ती आणि परंपरेचा मेळ असलेली आहे. ही पत्रिका सध्या सोशल मीडियावर व्हायरल होत आहे. युजर्सनी देखील या व्हिडीओवर तूफान कमेंट्स केल्या असून जोडप्याला शुभेच्छा दिल्या आहेत.
दरम्यान, 12 जुलै रोजी मुंबईत बीकेसी येथील जिओ वर्ड कन्वेक्शन सेंटरमध्ये अनंत अंबानी आणि राधिका मर्चंट यांचा विवाहसोहळा पार पडणार आहे. त्यानंतर 13 जुलै रोजी शुभ आशीर्वाद दिवस आणि रविवारी 14 जुलै रोजी वेडिंग रिसेप्शन होणार आहे.
