मुंबई : दिवाळी वर्षांतला मोठा सण. सर्वसामान्यांप्रमाणे सेलिब्रिटींच्या घरीही दिवाळी मोठ्या उत्साहात साजरी केली जाते. अशातच अभिनेत्री आलिया भट्ट आणि अभिनेता रणबीर कपूरनं यंदाच्या दिवाळीत लाडकी लेक राहा बरोबर दिवाळीचा सण साजरा केला आहे. त्याचे काही सुंदर फोटो त्यांनी शेअर केले आहेत. या पोस्टनंतर सोशल मीडियावर प्रतिक्रियांना उधाण आलं आहे.
इंस्टाग्रामवरील एका पोस्टमध्ये आलियाने “प्रकाश, प्रेम आणि अनमोल क्षण. दिवाळीच्या शुभेच्छा” या कॅप्शनसह दिवाळीचं वर्णन केलं आहे. यामध्ये राहा, आलिया यांच्या बरोबर रणबीरनं सोनेरी रंगाचा मॅचिंग ड्रेस परिधान केला आहे. दिव्यासह सजलेल्या आरतीत फुलांसह आलियानं लेकीसाठी आपलं प्रेमही अर्पण केलंय. तर दुस-या फोटोत ती रणबीरच्या मांडीवर बसून चेहरा न्याहाळताना दिसत आहे.
दरम्यान, आलिया भट्ट आणि रणबीर कपूरची मुलगी राहा कपूर आकर्षक लूकमुळे सोशल मीडियावर नेहमी चर्चेत आहे. दिवाळीच्या खास मुहूर्तावरही बेबी राहा पुन्हा एकदा चर्चेत आली आहे. तिचे फोटो सोशल मीडियावर चांगलेच व्हायरल होत आहेत.
View this post on Instagram
