Pune News : पुणे : डेव्हलपमेंट फौंडेशन फॉर महाराष्ट्र या संस्थेच्या वतीने आयोजित करण्यात आलेल्या जिल्हास्तरीय वक्तृत्व स्पर्धेत भास्कर येवले याने प्रथम क्रमांक पटकाविला आहे.
या स्पर्धेत द्वितीय क्रमांक रोहन कवडे, तर तृतीय क्रमांक शार्दूल भेगडे यांनी मिळविला आहे. या सदर स्पर्धेसाठी जिल्ह्यातील १५० पेक्षा जास्त स्पर्धकांनी नोंदणी केलेली होती. ही स्पर्धा गायत्री इंग्लीश मीडियम स्कूल मध्ये पार पडली.
जिल्हास्तरीय वक्तृत्व स्पर्धेचे आयोजन
या स्पर्धेचे उद्घाटन स्वामी विवेकांनंद शिक्षण प्रसारक मंडळाच्या व्यवस्थापकीय संचालिका कविता भोंगाळे यांच्या हस्ते करण्यात आले. तर बक्षीस वितरण स्वामी विवेकानंद शिक्षण प्रसारक मंडळाचे संस्थापक अध्यक्ष विनायक भोंगाळे, डेव्हलपमेंट फौंडेशन फॉर महाराष्ट्र संस्थेचे सुजित शिळीमकर यांच्या हस्ते करण्यात आले.
यावेळी बोलताना कविता भोंगाळे म्हणाल्या कि, उपमुखमंत्री देवेंद्र फडणवीस यांच्या संकल्पनेतून काम करणारी ही संस्था महाराष्ट्र राज्यामध्ये सामाजिक क्षेत्रात काम करणारी एक अग्रगण्य संस्था आहे. या संस्थेद्वारे महाविद्यालयातील विद्यार्थ्यांच्या कलात्मक गुणांना व वक्तृत्वाला वाव मिळावा यासाठी संस्थेच्या वतीने सदर स्पर्धेचे आयोजन करण्यात आले आहे. या पुढील काळात देखील अश्या प्रकारे सामाजिक उपक्रम संस्थेच्या वतीने आयोजित करण्यात येणार आहेत. विनायक भोंगाळे यांनी स्वतःच्या कौशल्यांचा वापर देशाच्या विकासासाठी करावा व देशातील बळीराजाला विसरू नये हे मत व्यक्त केले.
दरम्यान, संपूर्ण कार्यक्रम यशस्वी होण्यासाठी कार्यक्रमाचे व्यवस्थापक मंगेश गुरव, सिद्धार्थ भोजने, कुणाल कड्डे, अभिमन्यू शिंदे, ओंकार कदम, वाकडे सर व सर्व गायत्री इंग्लीश मीडियम स्कूलचे स्टाफ यांनी विशेष प्रयत्न केले. स्पर्धेचे परीक्षण कामिनी चौहान, दिव्या भोसले, किरण कदम, दिनेश गाळकर यांनी केले.
सूत्रसंचालन राम शिंदे यांनी केले. आभार भारती पाटील यांनी व्यक्त केले.
