पुणे : नोकरीसाठी प्रयत्न करूनही नोकरी न मिळण्याच्या भीतीने एका तरुण अभियंत्याने आत्महत्या केल्याची घटना सुसगांव येथे घडली आहे. आज, 15 जुलै सकाळी त्याने सोसायटीच्या आठव्या मजल्यावरून उडी मारली.
अक्षय अमोल माटेगावकर (21) असे मृताचे नाव असून तो माउंट युनिक सोसायटी, फ्लॅट क्रमांक 807, ऑडी शोरूमच्या मागे, सुसगाव येथे राहणारा आहे.
दरम्यान घटनेची माहिती मिळताच हिंजवडी पोलीस घटनास्थळी दाखल झाले. पोलिसांना घटनास्थळी एक सुसाईड नोट सापडली आहे. त्यात नोकरी मिळणार नाही, या भीतीने त्यांने आत्महत्या केल्याचे नमूद केले आहे. मृतदेह शवविच्छेदनासाठी औंध रुग्णालयात पाठवण्यात आला आहे.
