पुणे : सुपरस्टार अल्लू अर्जुनच्या आगामी ‘पुष्पा २’ या चित्रपटाची लोक आतुरतेने वाट पाहत आहेत. प्रत्येकाला प्रतीक्षा आहे की पुष्पाचा दुसरा भाग कधी येईल आणि त्याची कथा कशी असेल. सुकुमारने ‘पुष्पा 2’ च्या स्क्रिप्टचे काम जवळपास पूर्ण केले आहे. आता तो चित्रपटाच्या शूटिंगसाठी लोकेशन फायनल करण्याचे काम करत आहे. मिळालेल्या माहितीनुसार, सुकुमार अल्लू अर्जुनच्या आगामी चित्रपटाची शूटिंग ऑगस्टच्या तिसऱ्या आठवड्यात सुरू होण्याची शक्यता आहे.
सुकुमार आणि अल्लू अर्जुन यांनी फी वाढवली
पुष्पा: द रुलची क्रेझ पाहता, मोठे ओटीटी प्लॅटफॉर्म त्याचे डिजिटल अधिकार विकत घेण्यासाठी स्पर्धा करत आहेत. इतकंच नाही तर बॉलिवूड फिल्म स्टुडिओही पुष्पा 2 च्या बोर्डात सामील होण्यासाठी जोरदार प्रयत्न करत आहेत. याच कारणामुळे अल्लू अर्जुनने या चित्रपटासाठी 90 कोटींचे मानधन मागितले आहे. रिपोर्ट्सनुसार अभिनेत्याने 90 कोटी रुपये तसेच नफ्यात वाटा मागितला आहे. चित्रपट निर्माते सुकुमार यांनीही दुसऱ्या भागासाठी फी वाढवली आहे. एकीकडे त्यांनी पहिल्या भागासाठी 18 कोटी रुपये घेतले होते, तर दुसरीकडे ते भाग 2 साठी 40 कोटी रुपयांची मागणी करत आहे.
पुष्पाचा दुसरा भाग कधी येणार?
अल्लू अर्जुनचा चित्रपट आता ऑगस्टपर्यंत फ्लोरवर जाईल. या 6 महिन्यांपेक्षा जास्त वेळापत्रकात अनेक अॅक्शन सीक्वेन्स शूट केले जातील.असे म्हटले जात आहे की हे अॅक्शन सीन्स भारतीय सिनेमातील आतापर्यंतच्या सर्वात महागड्या सीन्सपैकी एक असतील. त्यानंतर पोस्ट प्रॉडक्शनचे काम केले जाईल. म्हणजेच हा चित्रपट आता 2023 च्या मध्यात रिलीज होण्याची शक्यता आहे.
श्रीवल्लीचा मृत्यू होणार?
पहिल्या भागात, पुष्पा म्हणून अल्लू अर्जुन आणि श्रीवल्लीच्या भूमिकेत रश्मिका मंदान्ना यांनी तिच्या अभिनयाने चाहत्यांना प्रभावित केले.या चित्रपटाच्या दुसऱ्या भागात दोघांची जबरदस्त केमिस्ट्री पाहायला मिळेल, अशी प्रेक्षकांना अपेक्षा होती.
पण, दुसऱ्या भागात श्रीवल्लीच्या पात्राला कमी सीन्स देण्यात आले आहेत. एवढेच नाही तर पुष्पा भाग २ मध्ये श्रीवल्लीचा मृत्यू होणार आहे. या चित्रपटात खलनायक (फहद फासिल) श्रीवल्लीची हत्या करताना दिसणार आहे. त्यानंतर पुष्पा आपल्या पत्नीच्या मृत्यूचा बदला घेईल, असे सांगण्यात येत आहे.
