Pune News : पुणे : दाजीच्या डोक्यात लोखंडी रॉड मारून मेव्हण्याने गळफास घेऊन आत्महत्या केल्याची धक्कादायक घटना पुण्यातील बाणेर परिसरात नुकतीच उघडकीस आली आहे. मंगळवारी (ता. १२) बाणेर येथील श्री समृद्धी सोसायटी येथे हि घटना घडली आहे. याप्रकरणी चतु:श्रृंगी पोलीस घटनास्थळी दाखल झाले आहेत.
खून करून आत्महत्या केल्याची घटना
धनंजय साडेकर (वय -३८) असे खून झालेल्या दाजीचे नाव आहे तर हेमंत काजळे (वय-४०) असे गळफास घेऊन आत्महत्या केलेल्या मेव्हण्याचे नाव आहे.
पोलिसांनी दिलेल्या माहितीनुसार, श्री समृद्धी सोसायटी बाणेर पुणे येथे हेमंत काजळे यांनी त्यांचा दाजी धनंजय साडेकर याचा लोखंडी रॉड डोक्यात मारून खून केला. त्यानंतर स्वतः गळफास घेऊन आत्महत्या केली.
आत्महत्या करण्यापूर्वी हेमंत यांनी बहिनीस धनंजयचा खून केला असून स्वतः आत्महत्या करत असल्याचे कळवले होते. पुढील तपास चतु:श्रृंगी पोलीस ठाण्याचे वरिष्ठ पोलीस निरीक्षक बालाजी पांढरे यांच्या मार्गदर्शनाखाली पोलीस करीत आहेत.
