Pimpri News : पिंपरी, (पुणे) : एकतर्फी प्रेमातून तरुणीचा पाठलाग करून तिच्याकडे लग्नाची मागणी घातली. तरुणीने नकार दिला असता एका २७ वर्षीय तरुणाने विनयभंग करून रुग्णवाहिकेची काच फोडून नुकसान केल्याची घटना घडली आहे. पिंपरी चिंचवडमधील मोरवाडी येथे हि घटना घडली आहे. याप्रकरणी एकाला पिंपरी पोलिसांनी ताब्यात घेतले आहे.
आरोपी ताब्यात
कृष्णा हनुमंत पुजारी (वय- २७ रा. काळेवाडी, पुणे) असे अटक करण्यात आलेल्या आरोपीचे नाव आहे. याप्रकरणी पिडीत तरुणीने पिंपरी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, पीडित तरुणी वाकड येथील एका हॉस्पिटलमध्ये काम करते. त्या कामाला जाण्यासाठी फिनोलेक्स चौकापर्यंत पायी चालत जात होत्या. त्यावेळी कृष्णा याने फिर्यादी यांचा दुचाकीवरुन पाठलाग करुन आडवले. मला तुझ्याबरोबर बोलायचे आहे. माझे तुझ्यावर प्रेम आहे. तू माझ्याशी लग्न करशील का, असे म्हणत त्याने लग्नाची मागणी घातली. त्यावेळी तरुणीने नकार दिला. या रागातून आरोपीने तरुणीचा विनयभंग केला.
दरम्यान, आरोपीने तरुणीचा वारंवार पाठलाग केला. तसेच मंगळवारी (ता. १०) पहाटे तीनच्या सुमारास सदर मुलीच्या रुग्णवाहिकेच्या काचेवर दगड मारुन काच फोडून नुकसान केले. आज फक्त रुग्णवाहिकेची काच फोडली आहे. उद्या तुझ्या पप्पाना फोडून काढेल, असे म्हणून फिर्यादी यांना धमकी दिल्याचे तक्रारीत म्हटले आहे. पुढील तपास पोलीस उपनिरीक्षक गिरी करीत आहेत.
