Pimpri News : पिंपरी, (पुणे) : आई-वडीलांनी मोबाईल न दिल्याच्या कारणावरून एका १६ वर्षीय अल्पवयीन मुलीने इमारतीच्या सातव्या मजल्यावरून उडी मारून आत्महत्या केल्याची घटना घडली आहे. बुधवारी (ता. ११) रात्री सव्वादहा वाजण्याच्या सुमारास हि घटना घडली आहे.
मोबाईल साठी सातव्या मजल्यावरून उडी मारून आत्महत्या
आर्या गणेश सावंत (वार्य- १६, रा. अभिलाषा हाऊसिंग सोसायटी, देहू, मूळ रा. सांगोला, सोलापूर) असे आत्महत्या केलेल्या मुलीचे नाव आहे.
पोलिसांनी दिलेल्या माहितीनुसार, गणेश सावंत हे कुटुंबीयांसोबत देहू या ठिकाणी राहतात. मुळचे ते सांगोला येथील असून आर्या हिचे वडील गणेश सावंत आणि आई देखील इंजिनिअर आहेत. सावंत दाम्पत्याला दोन मुली होत्या. त्यात आर्या मोठी मुलगी होती. बुधवारी आर्या हिने मोबाइल मागितला. मात्र, आईवडिलांनी मोबाइल देण्यास नकार दिला.
दरम्यान, आर्या हिने त्यांच्या राहत्या घराच्या इमारतीच्या सातव्या मजल्यावरून उडी मारली. तिला रुग्णालयात दाखल केले असता तिचा मृत्यू झाल्याचे डॉक्टरांनी सांगितले.देहूरोड पोलिस तपास करीत आहेत.
