Pimpari News पिंपरी, (पुणे) : लग्नाला अवघा दीड महिना झाला असताना नव्या नवरीने इंद्रायणी नदीत उडी मारून आत्महत्या केल्याची घटना सोमवारी (ता. ०३) घडली आहे. याप्रकरणी पतीला अटक करण्यात आली आहे. (Pimpari News)
कौशल पिराजी भोसले (रा. यशवंतनगर, तळेगाव दाभाडे) असे गुन्हा दाखल झालेल्या आरोपी पतीचे नाव आहे. मानसिक, शारीरिक आणि आर्थिक कारणांवरून छळ होत असल्याने तिने हे पाऊल उचलले असल्याबाबत पोलिसात गुन्हा नोंदवण्यात आला आहे. याप्रकरणी मृत नवविवाहितेच्या आईने तळेगाव एमआयडीसी पोलिस ठाण्यात फिर्याद दिली आहे.(Pimpari News)
छळ होत असल्याने तिने हे पाऊल उचलले..
पोलिसांनी दिलेल्या माहितीनुसार, फिर्यादी यांची मुलगी आणि आरोपी कौशलचा १७ मे २०२३ रोजी विवाह झाला होता. विवाहानंतर आरोपीने फिर्यादी यांच्या मुलीकडे माहेरहून पैसे व दुचाकी आणण्याची मागणी केली.(Pimpari News)
दरम्यान, नोकरीचा एक वर्षापासूनचा पगार घेऊन येण्यासाठी तगादा लावला. त्यावरून तिचा मानसिक व शारीरिक छळ करून शिवीगाळ व मारहाण केली. या त्रासाला कंटाळून फिर्यादी यांच्या मुलीने लग्नाच्या दीड महिन्यातच नदीत उडी मारून आत्महत्या केली.(Pimpari News)
