Pachgani News पाचगणी : पाचगणी (ता.महाबळेश्वर) येथे २७ वर्षीय विवाहितेने विहिरीत उडी घेऊन आत्महत्या केल्याची घटना आज (दि.३१) दुपारी दीडच्या सुमारास घडली. (Pachgani News)
प्रियांका संदीप वाडकर (रा.बोरगाव ता.वाई) असे आत्महत्या केलेल्या महिलेचे नाव आहे. (Pachgani News)
प्रियांका वाडकर हिचे माहेर भिलार येथे आहे. दुपारी दीडच्या सुमारास पाचगणी येथील गणेश मंदिराशेजारी गावविहिरीत उडी घेऊन तिने आत्महत्या केली. या महिलेने विहिरीत उडी मारण्यापूर्वी मोबाईल मंदिराशेजारी ठेवला होता.
दरम्यान, या घटनेची माहिती मिळताच पाचगणी ठाण्याचे सहाय्यक पोलीस निरीक्षक राजेश माने व त्यांच्या सहकाऱ्यांनी घटनास्थळी भेट देऊन पंचनामा केला. महिलेच्या मृतदेहावर पाचगणी येथील प्राथमिक आरोग्य केंद्रात शवविच्छेदन करण्यात आले असून, याप्रकरणी गुन्हा नोंद घेण्याची प्रक्रिया सुरू होती.
