Nagar News : कोतवाली, (नगर) : कोतवाली पोलीस ठाण्याच्या हद्दीत दारू पिऊन वाहन चालवणार्‍या चालकांविरुद्ध कोतवाली पोलिसांनी बडगा उगारला असून ६२ मद्यपी वाहनचालकांवर कारवाई गुन्हा दाखल केला आहे.
साडेतीन लाखांचा दंड वसूल..
अतिवेगाने वाहन चालविणे, भर रस्त्यात वाहन लावणे, बेदरकारपणे हयगयीने वाहन चालवून दुसऱ्याचे जीवित आणि व्यक्तिगत सुरक्षितता धोक्यात आणणाऱ्या १६३ वाहन चालकांवर गुन्हे दाखल करून ३ लाख ३३ हजार ६०० रुपयांचा दंड वसूल केला आहे. अशी माहिती पोलीस निरीक्षक चंद्रशेखर यादव यांनी दिली आहे.
पोलीस निरीक्षक चंद्रशेखर यादव यांनी दिलेल्या माहितीनुसार, सण-उत्सवादरम्यान काही अतिउत्साही नागरिक सार्वजनिक ठिकाणी मद्यपान करून शांतता भंग करतात. तसेच मद्यपान करून वाहन चालविल्यामुळे होणारे अपघात व त्यातील मृतांच्या संख्येत दिवसेंदिवस वाढ होत आहे. (Nagar News) तसेच दारू पिऊन वाहन चालविणारे कायदा व सुव्यवस्थेला बाधा आणतात. त्यामुळे दारू पिऊन वाहन चालविणाऱ्यांविरोधात कोतवाली पोलिसांनी मागील सहा महिन्यांमध्ये विशेष मोहीम राबवून धडक कारवाई केली आहे.
त्याअनुषंगाने पोलिस ठाण्याच्या हद्दीत ठिकठिकाणी नाकाबंदी करून दुचाकी, चारचाकी व इतर वाहनांची तपासणी करण्यात येत आहे. नाकाबंदी दरम्यान वाहनचालकांनी मद्यप्राशन केल्याचे आढळल्याने त्यांच्याविरुद्ध कोतवाली पोलिस ठाण्यामध्ये गुन्हे दाखल करण्यात आले आहेत. (Nagar News) मद्यपान करून वाहन चालविणे स्वतःसाठी व इतरांसाठी धोकादायक असून नागरिकांनी स्वतः व इतरांच्या सुरक्षिततेसाठी वाहतुकीचे नियम पाळावे, असे आवाहन पोलीस निरीक्षक चंद्रशेखर यादव यांच्याकडून करण्यात येत आहे.
सदरची कामगिरी पोलीस निरीक्षक चंद्रशेखर यादव. पोलीस जवान श्रीकांत खताडे, गुलाब शेख, अनुप झाडबुके, अशोक सरोदे, सुनील भिंगारदिवे, दीपक बोरुडे संदीप साठे, भारत गाडीलकर, सचिन गायकवाड, पोपट खराडे आदींनी केली आहे.
अधिक बातम्या वाचण्यासाठी येथे क्लिक करा :
Nagar News : कोतवाली पोलिसांनी नागरिकांना केले ४ लाख २० हजार रुपयांचे २० महागडे मोबाईल परत..
