Loni Kalbhor News : लोणी काळभोर, (पुणे) : शेत बळकाविण्यास विरोध केल्याने चौघांनी पिस्तुल व सूऱ्याचा धाक दाखवून तसेच अंगावर ट्रॅक्टर घालून जीवे मारण्याचा प्रयत्न केल्याचा धक्कादायक प्रकार नुकताच उघडकीस आला आहे. आळंदी म्हातोबाची (ता. हवेली) ग्रामपंचायत हद्दीत हि घटना सोमवारी सकाळी घडली आहे. याप्रकरणी लोणी काळभोर पोलीस ठाण्यात चौघांवर खूनाचा प्रयत्न केल्याचा गुन्हा दाखल केला. (Loni Kalbhor News)
पोपट सुदाम सुर्वे, विठ्ठल सुदाम सुर्वे (रा. आळंदी म्हातोबाची, ता. हवेली) तसेच आणखी दोघे त्यांचे नाव व पत्ता माहित नाही. अशी गुन्हा दाखल करण्यात आलेल्या आरोपींची नावे आहेत. यामध्ये विठ्ठल सुदाम सुर्वे याला पोलिसांनी अटक केली आहे. याप्रकरणी हेमंत शंकरराव तोडकर (वय ४७, रा. मंगळवार पेठ, पुणे) यांनी लोणी काळभोर पोलीस ठाण्यात फिर्याद दिली आहे. (Loni Kalbhor News)
पोलिसांनी दिलेल्या माहितीनुसार, हेमंत तोडकर यांची आळंदी म्हातोबा परिसरात जमीन आहे. तोडकर हे त्यांच्या शेतामध्ये गेले असताना पोपट सुर्वे, विठ्ठल सुर्वे इतर दोघांना घेऊन ट्रॅक्टर, मोटारसायकलवरुन तेथे आले. यावेळी तोडकर यांनी आमचे शेतामध्ये ट्रॅक्टर कसा काय घेऊन आला, असे विचारले असता. पोपट सुर्वे याने मी तुम्हाला ओळखत नाही. ही माझी शेती आहे. व मी कसण्याकरीता व तिला कंपाऊड करण्याकरीता आलो आहे. यामध्ये अडथळा आणल्यास गंभीर परिणाम होतील, असे बोलून धमकी दिली.
मोटारसायकलवरील एका साथीदाराने कमरेला खोचलेला पिस्तुल व सुरा दाखवला. विठ्ठल सुर्वे याने फिर्यादींना तुम्ही इथून चालते व्हा, नाहीतर या ट्रॅक्टरखाली तुम्हाला चिरडून टाकू. आज काहीही झाले तरी याला जिवंत सोडायचे नाही. याला इथेच संपवून गाडून टाकू, असे म्हणून ट्रॅक्टर चालकाला ट्रॅक्टर चालू करण्यास सांगितले.
दरम्यान, तोडकर यांना जीवे मारण्याच्या हेतूने त्यांच्या अंगावर ट्रॅक्टर घालण्याचा प्रयत्न केला. पोलिसांनी खूनाचा प्रयत्न केल्याचा गुन्हा दाखल केला असून पोलीस उपनिरीक्षक विष्णू देशमुख तपास करीत आहेत.
