Gautami Patil | सोलापूर : गेल्या काही दिवसांपासून गौतमी पाटील हे नाव राज्यभरात पसरले आहे. या ना त्या कारणावरून प्रसिद्ध नृत्यांगना गौतमी ही अनेक वेळा चर्चेचा विषय ठरली आहे. दरम्यान पुन्हा एकदा गौतमी चर्चेचा विषय ठरली आहे. मात्र यावेळी आपल्या दिलखेच अदांनी सर्वांना भुरळ पाडणारी प्रसिद्ध नृत्यांगना गौतमी पाटील अडचणीत सापडली आहे.
गौतमीच्या विरोधात पोलिसात तक्रार दाखल करण्यात आली आहे. फसवणूक व मानसिक त्रास दिल्याच्या तक्रारीवरून गौतमीविरुध्द गुन्हा दाखल करण्यात आला आहे.
मानसिक त्रास दिल्याने…
बार्शी पोलिस ठाण्यात हा गुन्हा दाखल करण्यात आला आहे. याप्रकरणी बार्शी येथील कार्यक्रमाचे आयोजक राजेंद्र गायकवाड यांनीच पोलीसात तक्रार दाखल केली आहे. यामध्ये त्यांनी गौतमीने माझी फसवणूक करून मला मानसिक त्रास दिला. त्यामुळे मी तिच्या विरोधात तक्रार दाखल केली आहे, असे आयोजक गायकवाड यांनी सांगितले आहे.
7 ऐवजी 10 वाजता स्टेजवर आल्याने….
सोलापूर जिल्ह्यातील बार्शीमध्ये गौतमीचा 12 मे रोजी कार्यक्रम आयोजीत करण्यात आला होता. मात्र या कार्यक्रमाला गौतमी 7 ऐवजी 10 वाजता स्टेजवर आल्याने कार्यक्रमाची वेळ संपली आणि पोलिसांनी कार्यक्रम बंद पाडला. शिवाय ठरलेल्या मानधनापेक्षा मला वेठीस धरून गौतमीने अवांतर पैसे घेतले.
तसेच नियोजित कार्यक्रमाला उशिरा येऊन माझी बदनामी करण्याच्या हेतूने फसवणूकही केली असल्याचे गायकवाड यांनी तक्रारीत म्हटले आहे. तसेच कार्यक्रम आयोजित केल्याप्रकरणी आयोजकावर सुद्धा गुन्हा दाखल करण्यात आला आहे.
अधिक बातम्या वाचण्यासाठी येथे क्लिक करा….!
Gautami Patil | गौतमी पाटीलच्या बार्शीतील कार्यक्रमात पुन्हा राडा ; पोलिसांनी कार्यक्रम पाडला बंद
