Breaking News : पुणे : महावितरणच्या तरुण वरिष्ठ तंत्रज्ञचा तीक्ष्ण शस्त्राने वार करत खून करण्यात आल्याची घटना सिंहगड रोड येथील रायकर मळा परिसरात नीलायम टॉकीज समोर घडली आहे.
तीक्ष्ण शस्त्राने वार करून खून
गोपाळ कैलास मंडवे (वय- ३२ वर्षे राहणार ओवी अंगण कॉलनी जाधव नगर रायकर मळा, पुणे) असे खून करण्यात आलेल्या वरिष्ठ तंत्रज्ञाचे नाव आहे.
मिळालेल्या माहितीनुसार, पुण्यातील सिंहगड रोड पोलिस ठाण्याच्या हद्दीत सोमवारी (ता. ०४) पावणे दोन वाजण्याच्या सुमारास मनोहर गार्डन जवळ खंडोबा मंदिर रोड रायकर मळा धायरी येथे एकाचा मृतदेह आढळून आला.
प्राथमिक माहितीनुसार गोपाळ याचा तीक्ष्ण शस्त्राने वार करून खून केला. खून नेमक्या कोणत्या कारणामुळे करण्यात आला आहे हे अद्याप निष्पन्न झालेले नाही. घटनेचा पुढील तपास सिंहगड रोड पोलिस करीत आहेत. घटनास्थळी बघ्यांनी प्रचंड गर्दी केली होती. सिंहगड रोड पोलिस ठाण्यात याबाबत खूनाचा गुन्हा दाखल करण्याचे काम सुरू आहे.
