जीवन सोनवणे
Bhor News : भोर, (पुणे) : उच्चभ्रू सोसायटीमध्ये राहणाऱ्या महाविद्यालयीन विद्यार्थिनींचे स्नानगृहाच्या खिडकी मधून एका अल्पवयीन मुलाने मोबाईलवरुन चित्रीकरण केल्याचा धक्कादायक प्रकार उघडकीस आला आहे. हि घटना गुरुवारी (ता. १४) सकाळी ७ वाजण्याच्या सुमारास नसरापूर परिसरात घडकीस आली आहे.
गुन्हा दाखल
याप्रकरणी एका अल्पवयीन विद्यार्थिनीने प्रत्यक्षात मुलाला पकडले. यावरून मुलीच्या फिर्यादीवरून राजगड पोलिस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, नसरापूर येथे एका उच्चभ्रू सोसायटीमध्ये उच्च शिक्षण घेणाऱ्या दोन तरुणी भाड्याने राहतात. गुरुवारी सकाळी ७ च्या सुमारास स्नानगृहात एक तरुणी अंघोळ करत असताना या वेळी शेजारीच राहणाऱ्या एका अल्पवयीन मुलाने खिडकीतून मोबाईलद्वारे अश्लील व्हिडिओ करत असताना तरुणीच्या लक्षात आले.
त्यानुसार मुलीने तत्काळ नसरापूर पोलीस स्टेशन मध्ये धाव घेतली. घटनेचे गांभीर्य ओळखून पोलिसांनी मुलाला चौकशीसाठी तात्काळ ताब्यात घेतले आसून व्हिडीओ रेकॉर्डिंग केल्याबाबत दोन तरुणींनी फिर्याद दिली आहे.
दरम्यान, याच सोसायटीत ७ ऑगस्ट रोजी एका तरुणीचे स्नानगृहाच्या खिडकीच्या काचेमधून मोबाईलमध्ये चोरून व्हिडीओ रेकॉर्डिंग केल्याबाबत केल्याचे फिर्यादीत म्हटले आहे.त्यानुसार पोलिस निरीक्षक अण्णासाहेब घोलप यांच्या मार्गदर्शनाखाली पोलिस नाईक सागर कोंढाळकर पुढील तपास करीत आहेत.
