Ambegaon News : आंबेगाव (पुणे) : बेल्हे-जेजुरी महामार्गावरील लाखनगाव ग्रामपंचायत हद्दीत भरधाव चारचाकीने पाठीमागून दुचाकीला दिलेल्या धडकेत १९ वर्षीय तरुणाचा जागेवरच मृत्यू झाला आहे. तर एकजण गंभीर जखमी झाला आहे. जखमीला उपचारासाठी रुग्णालयात दाखल करण्यात आलं आहे.
अपघाताच्या घटनांमध्ये मोठ्या प्रमाणात वाढ
रसिक दौंड असं या अपघातामध्ये मृत्यू झालेल्या मुलाचं नाव आहे. हा अपघात इतका भीषण होता की, या अपघातामध्ये रसिक याचा जागीच मृत्यू झाला.तर दुसरीकडे या अपघातानंतर अल्टो कार देखील महामार्गावर उलटल्यानं कारचा चालक गंभीर जखमी झाला आहे.
पोलिसांनी दिलेल्या माहितीनुसार, बेल्हे-जेजुरी महामार्गावर लाखनगाव हद्दीत रसिक दौंड हा घरी जात असताना पाठीमागून येणाऱ्या भरधाव अल्टो कारने त्याच्या दुचाकीला जोरदार धडक दिली.
या अपघातामध्ये कुटुंबातल्या १९ वर्षीय एकूलत्या एक मुलाचा मृत्यू झाला. हा अपघात इतका भीषण होता की, या अपघातामध्ये रसिक याचा जागीच मृत्यू झाला. तर दुसरीकडे या अपघातानंतर अल्टो कार देखील महामार्गावर उलटल्यानं कारचा चालक गंभीर जखमी झाला आहे.
दरम्यान, त्याला उपचारासाठी रुग्णालयात दाखल करण्यात आलं आहे. या अपघातानंतर पुन्हा एकदा बेल्हे – जेजुरी महामार्गावरील अपघातांचा प्रश्न ऐरणीवर आला असून गेल्या काही दिवसापासून या महामार्गावर अपघाताच्या घटनांमध्ये मोठ्या प्रमाणात वाढ झाली आहे.
