पुणे- पिंपळे गुरव येथील काटे पुरम चौकात स्कूल बसने चिरडल्याने दुचाकीस्वार तरुणाचा मृत्यू झाला. ही घटना मंगळवारी (दि. २०) दुपारी पावणेतीनच्या सुमारास घडली.
शैलेश गजानन जगताप (वय २९, रा. नेताजी नगर, पिंपळे गुरव), असे मृत्यू झालेल्या तरुणाचे नाव आहे.
पोलिसांनी दिलेल्या माहितीनुसार, शैलेश मंगळवारी दुपारी पिंपळे गुरव येथील रामकृष्ण चौकाकडून काटे पुरम चौकाच्या दिशेने दुचाकीवरून जात होता.
दरम्यान, स्कूल बसला ओव्हरटेक करीत असताना दुचाकीचा धक्का बसला. त्यामुळे शैलेश बसच्या चाकाखाली चिरडला गेला आणि त्यातच त्याचा मृत्यु झाला.
