Accident News : चाकण, (पुणे) : शिक्रापूर – चाकण रस्त्यावर शेळ्या घेऊन निघालेल्या पिकअपला कंटेनरने दिलेल्या जोरदार धडकेत पिकपमधील बारा शेळ्या आणि एका व्यक्तीचा जागेवरच मृत्यू झाल्याची घटना घडली आहे. तर पिकअप चालक जखमी झाला आहे. शिक्रापूर-चाकण रस्त्यावरील शेलगाव येथे शनिवारी (ता. १५) पहाटे पाच वाजता घडली आहे.(Accident News)
पिकपमधील बारा शेळ्या आणि एका व्यक्तीचा जागेवरच मृत्यू.
बबन वसंत राठोड असे मृत्यू झालेल्या व्यक्तीचे नाव आहे. तर पिकप चालक ईश्वर विक्रम जाधव (वय २१, रा. अहमदनगर) असे जखमी झालेल्या पिकअप चालकाचे नाव आहे. याप्रकरणी चाकण पोलीस ठाण्यात फिर्याद दिली आहे. त्यानुसार कंटेनर चालकाच्या विरोधात गुन्हा दाखल करण्यात आला आहे.(Accident News)
पोलिसांनी दिलेल्या माहितीनुसार, फिर्यादी आणि त्यांच्यासोबत बबन राठोड हे फिर्यादी यांच्या पिकप मध्ये शेळ्या घेऊन शिक्रापूर-चाकण रोडने जात होते.(Accident News)
शेलगाव येथे भरधाव वेगात आलेल्या कंटेनरने पिकपला समोरून जोरात धडक दिली. त्यात पिकप मधील बारा शेळ्यांचा मृत्यू झाला. बबन राठोड हे गंभीर जखमी होऊन मयत झाले.(Accident News)
दरम्यान, अपघात झाल्यानंतर कंटेनरचालक घटनास्थळी न थांबता तसेच जखमींना उपचारासाठी न नेता पळून गेला. चाकण पोलीस तपास करीत आहेत.
