Shirur News : तळेगाव ढमढेरे येथील समाजभूषण संभाजीराव भुजबळ विद्यालयाचे पाच विद्यार्थी शिष्यवृत्ती परीक्षेत चमकले

अक्षय भोरडे
Shirur News  :  तळेगाव ढमढेरे  तळेगाव ढमढेरे (ता.शिरूर) येथील समाजभूषण संभाजीराव भुजबळ माध्यमिक व उच्च माध्यमिक विद्यालयातील ५ विद्यार्थी पूर्व माध्यमिक शिष्यवृत्ती परीक्षेत उत्तीर्ण झाले आहेत. अशी माहिती विद्यालयाचे मुख्याध्यापक बाळासाहेब चव्हाण यांनी दिली आहे.(Shirur News)

विद्यालयातील ५ विद्यार्थी पूर्व माध्यमिक शिष्यवृत्ती परीक्षेत उत्तीर्ण.

महाराष्ट्र राज्य परीक्षा परिषद पुणे यांच्या वतीने पूर्व माध्यमिक शिष्यवृत्तीची इयत्ता आठवीची परिक्षा फेब्रुवारी मध्ये घेण्यात आली. या परीक्षेत भुजबळ विद्यालयातील एकूण ३४ विद्यार्थी बसले होते. यामध्ये तेरा विद्यार्थी उत्तीर्ण झाले तर पाच विद्यार्थी शिष्यवृत्ती धारक ठरले आहेत.(Shirur News)

यशस्वी विद्यार्थ्यांमध्ये मृदुला लक्ष्मण मोरे (२१४ गुण) भावना बाळासाहेब चव्हाण (२१० गुण) तनिष्क यशवंत भुजबळ (२०८ गुण) सिद्धी कालिदास डोके (१९६ गुण) तर संस्कृती राजपाल वाघमारे (१८४ गुण) हे जिल्हास्तरीय शिष्यवृत्ती यादीत झळकले आहेत.(Shirur News)

 

सर्व यशस्वी विद्यार्थ्यांना सुरेखा डोईफोडे, मीनाक्षी चेडे, जयश्री कापरे व शालन खेडकर यांनी मार्गदर्शन केले. यावेळी मार्गदर्शक शिक्षक व विद्यालयाचे मुख्याध्यापक यांचे शालेय व्यवस्थापन समितीचे अध्यक्ष राजेंद्र भुजबळ, ज्ञानदीप ग्रामविकास प्रतिष्ठानचे अध्यक्ष शिवाजीराव भुजबळ यांनी अभिनंदन केले.(Shirur News)