भंडारा : मुख्यमंत्री एकनाथ शिंदे यांच्या भंडारा दौऱ्यावेळी पत्रकारांना घेऊन जाणारी बोट बुडाल्याची घटना घडली आहे. धक्कादायक बाब म्हणजे बुडालेल्या या बोटीचे तीन तुकडे झाले आहेत. मात्र, या दुर्घटनेत कोणतीही हानी झाली नसल्याचे बोलले जात आहे.
वैनगंगा नदीवर होत असलेल्या जागतिक दर्जाच्या जल पर्यटन प्रकल्पाच्या पहिल्या टप्प्याचे मुख्यमंत्री एकनाथ शिंदे यांच्या हस्ते भूमिपूजन होणार आहे. यावेळी हा अपघात घडला आहे. या भंडारा दौऱ्यादरम्यान पत्रकारांना घेऊन जाणारी बोट एका खडकावर जोरात आपटली आणि बोटीचे तीन तुकडे झाले आहेत. मात्र या घटनेत कोणतीही जीवितहानी झाली नसल्याची प्राथमिक माहिती मिळत आहे.
जल पर्यटन प्रकल्पाचे मुख्यमंत्र्यांचा हस्ते भूमिपूजन
वैनगंगा नदीवर जागतिक दर्जाच्या जल पर्यटन प्रकल्पाच्या पहिल्या टप्प्याचे सोमवारी आज मुख्यमंत्री एकनाथ शिंदे यांच्या हस्ते भूमिपूजन होणार आहे. भंडाऱ्याच्या रेल्वे मैदानावर मुख्यमंत्री एकनाथ शिंदे यांची जाहीर सभा देखील होणार आहे. यावेळी राज्याचे उद्योग मंत्री उदय सावंत हे सुद्धा उपस्थित राहणार आहेत. भंडाऱ्याचे अपक्ष आमदार नरेंद्र भोंडेकर यांच्यावतीने या कार्यक्रमाचे आयोजन करण्यात आले आहे.
