लोणी काळभोर : कदमवाकवस्ती (ता. हवेली) ग्रामपंचायतीचे वरिष्ठ लिपिक दिलीप पांडुरंग काळभोर यांचे आज शनिवारी (ता.22) दुपारी दोन वाजण्याच्या सुमारास निधन झाले आहे. त्यांच्या निधनाने कदमवाकवस्ती पासिसरत शोककळा पसरली आहे.
दिलीप काळभोर हे कदमवाकवस्ती ग्रामपंचायतीत लिपिक म्हणून मागील 29 वर्षांपासून काम करत होते. मागील दोन दिवसांपूर्वी त्यांच्या छातीत अचानक वेदना सुरू झाल्या. त्यानंतर त्यांना पुण्यातील इनामदार हॉस्पिटलमध्ये उपचारासाठी दाखल करण्यात आले होते. दरम्यान, शनिवारी उपचारादरम्यान त्यांची प्राणज्योत मालवली. त्यांच्या पश्चात पत्नी, मुलगा, मुलगी व जावई असा परिवार आहे.
दरम्यान, दिलीप काळभोर यांच्या पार्थिवावर लोणी काळभोर येथील स्मशानभूमीत आज शनिवारी संध्याकाळी सहा वाजण्याच्या सुमारास अंत्यसंस्कार करण्यात येणार आहेत.
