महाराष्ट्रातून पहिला निकाल हाती, नंदुरबारमध्ये काँग्रेसचे गोवाल पाडवी विजयी, हीना गावितांचा दारुण पराभव

नंदुरबार: उत्तर महाराष्ट्रातील नंदुरबार जिल्हा पहिल्यापासून काँगेसचा बालेकिल्ला म्हणून ओळखला जातो. यंदा हा गड काँग्रेसने पुन्हा आपल्याकडे खेचला असून काँग्रेस नेते के. सी. पाडवी यांचे पुत्र अॅड. गोवाल पाडवी यांचा विजय झाला आहे.

नंदुरबारमध्ये भाजपच्या उमेदवार डॉ. हीना गावित आणि काँग्रेसचे के. सी. पाडवी नेते यांचे पुत्र अॅड. गोवाल पाडवी यांच्यात थेट लढत झाली. नंदुरबार लोकसभा मतदारसंघ हा पहिल्यापासून काँग्रेसचा बालेकिल्ला होता. 2014 च्या निवडणुकीत भारतीय जनता पक्षाने काँग्रेसच्या बालेकिल्लाला खिंडार पाडत नंदुरबार लोकसभा मतदारसंघावर आपला झेंडा फडकवला होता. यंदा मात्र हा मतदारसंघ काँग्रेसने पुन्हा आपल्याकडे खेचून आणला आहे.