मुंबई: राष्ट्रवादी काँग्रेस पक्षाचे आमदार रोहित पवार यांचं फेसबुक अकाऊंट पुन्हा एकदा हॅक झाले आहे. रोहित पवार यांनी ट्वीट करत याबाबत माहिती दिली आहे. पवार यांच्या फेसबुक प्रोफाईल फोटोलो सिया राजपूत हे नाव दाखवत आहे.
आमदार रोहित पवार सोशल मीडियावर चांगले अॅक्टिव्ह असलेले पाहायला मिळतात. मागील काही दिवसांपासून त्यांची सोशल मीडिया खाती हॅक होत असल्याचे समोर आले आहे. याबाबत रोहित पवार यांनी ट्वीट करत संताप व्यक्त केला आहे . तसेच अकाऊंट रिकव्हरीसाठी प्रयत्न सुरु आहेत, असे रोहित पवार यांनी आपल्या ट्वीटमध्ये सांगितले. आमदार पवार यांना फेसबुक पेजवर पाच लाखांपेक्षा जास्त फॉलोवर्स आहेत.
गेल्या काही दिवसांपासून माझे सोशल मिडियावरील अकाऊंट हॅक होण्याचे प्रकार सुरु आहेत. आज माझं अधिकृत फेसबुक पेज हॅक झालं आहे. या पेजवर चुकीचा मजकुर दिसून येत असून, कृपया याकडे दुर्लक्ष करावं, असे ट्वीट करत रोहित पवार यांनी समर्थकांना मेसेज दिलाय. दरम्यान, नेमके हे पेज कुठून आणि कोणी हॅक्क केले याचा मात्र सुगावा अजून लागलेला नाही. पण रिकव्हरीसाठी प्रयत्न सुरु आहेत, असं ट्विटवर पोस्ट करत रोहित पवार यांनी सांगितले आहे.
गेल्या काही दिवसांपासून माझे सोशल मिडियावरील अकाऊंट हॅक होण्याचे प्रकार सुरु आहेत. आज माझं अधिकृत फेसबुक पेज हॅक झालं… या पेजवर चुकीचा मजकुर दिसून येत असून, कृपया याकडे दुर्लक्ष करावं.
याबाबत रिकव्हरीसाठी प्रयत्न सुरु आहेत.#facebookhack
— Rohit Pawar (@RRPSpeaks) December 22, 2023
तसेच रोहित पवार यांच्या फेसबुक पेजचं युरआरएलही बदलण्यात आल्याचे दिसत आहे. युआरएलमध्ये https://www.facebook.com/SiyaRajput.Real असे नाव दिसत आहे. रोहित पवार यांच्या फेसबुक पेजवरुन सिया राजपूत या कपड्याच्या ब्रँडची जाहिरात करण्यात आल्याचे दिसत आहे. रोहित पवार यांच्या फेसबुक पेजवरुन लागोपाठ तीन ते चार पोस्ट केल्या आहेत. त्यामध्ये सिया राजपूत कपड्याच्या ब्रँडची जाहीरात आहे. रोहित पवार यांचं पेज नेमके कुठून आणि कुणी हॅक केले, याबाबत अद्याप कोणतीही माहिती मिळालेली नाही.
