मुंबई: एमएसआरडीसीचे सह-संचालक अनिलकुमार गायकवाड यांचा मुलगा अश्वजीत गायकवाड याने त्याच्या मित्रांच्या मदतीने प्रेयसीला जीवे मारण्याचा प्रयत्न केल्याची धक्कादायक घटना समोर आली आहे. अश्वजीत गायकवाड हा विवाहित असल्याचं समजल्यानंतर त्या युवतीने जाब विचारल्याने त्याने हे कृत्य केलं आहे. या प्रकरणात सदर युवती ही गंभीर जखमी झाली आहे. प्रिया सिंग असं त्या महिलेचं नाव आहे. त्याची दखल आता राज्य महिला आयोगाने घेतली आहे. आयोगाच्या अध्यक्षा रुपाली चाकणकर यांनी जिल्हा दंडाधिकारी आणि जिल्हा पोलीस अधीक्षकांना पत्र लिहून यासंबंधी कारवाई करून सविस्तर अहवाल मागवला आहे.
एमएसआरडीसीच्या व्यवस्थापकीय संचालकांचा मुलगा अश्वजीत गायकवाड याने मित्रांच्या मदतीने त्याच्या प्रेयसीला जीवे मारण्याचा प्रयत्न केल्याची घटना माध्यमातून समोर आली आहे. पीडित तरुणी जखमी असून मानसिक तणावाखाली आहे. याबाबत राज्य महिला आयोगाने दखल घेतली असून पालघरचे जिल्हा दंडाधिकारी आणि पोलीस आयुक्त यांच्याकडून तातडीने अहवाल मागविला आहे.
