मुंबई : आज शिवसेना आमदार अपात्रता सुनावणी पार पाडली. यात एक महत्त्वाची गोष्ट बाहेर आली आहे. पहिल्या सत्रातील सुनावणीत ठाकरे गटाचे वकील देवदत्त कामत यांनी शिंदे गटाचे आमदार दिलीप लांडे यांची साक्ष घेतली. त्यावेळी ठाकरे गटाकडून साक्षीदाराला घेरण्यात आले. दिलीप लांडेंच्या उलट तपासणी दरम्यान ठाकरे गटाच्या वकीलांनी एक अटेंडंटशिट सादर केली. ही अटेंडट शीट 21 जून 2022 रोजी वर्षा बंगल्यावर झालेल्या बैठकीची होती. या अटेंडंटशिटवर, शिंदे गटातील तब्बल 23 आमदारांच्या सह्या आहेत. महत्त्वची बाब म्हणजे, या बैठकीत एकनाथ शिंदे यांना गटनेता पदावरून हटवण्याबाबत प्रस्ताव मांडण्यात आला होता, ज्याला या आमदारांनी अनुमोदन दिलं होतं.
21 जून 2022 रोजी वर्षा निवासस्थानी झालेल्या बैठकीत पक्षादेशानुसार किती आमदार उपस्थित होते? उलट तपासणी दरम्यान वारंवार येणाऱ्या प्रश्नावर ठाकरे गटाने शिंदे गटाच्या साक्षीदाराला आज 21 जून 2022 च्या बैठकीची अटेंडन्स शीट दाखवली. ही अटेंडन्ट शीट ठाकरे गटाकडून प्रतिज्ञापत्रात दाखल करण्यात आली होती. ठाकरे गटाकडून प्रतिज्ञापत्रात दाखल करण्यात आलेल्या या अटेंडंटशिटनुसार 21 जून 2022 रोजी झालेल्या बैठकीत एकूण 23 आमदारांनी उपस्थिती दर्शवली होती आणि त्यांच्या अटेंडन्स शीटवरील सह्या या संबंधित शिवसेना शिंदे गटात गेलेल्या आमदारांनीच केल्या होत्या का? असा सवाल उपस्थित झाला आहेय त्याबाबत ठाकरे गटाच्या आमदारांना विचारणा होणार आहे.
दिलीप लांडे यांनी आपल्या साक्षीमध्ये यावर केलेली सही आपलीच असल्याचं कबूल केल. पण, त्यामध्ये वरती लिहिण्यात आलेल्या पक्षादेश हा आमच्या सह्या घेतल्यानंतर घेण्यात आला असं त्यांनी म्हटलं आहे. शिंदे गटात असलेले गुलाबराव पाटील, संजय राठोड, संतोष बांगर, दादा भुसे, दिलीप लांडे, मंगेश कुडाळकर, सदा सरवणकर, योगेश कदम, उदय सामंत, दीपक केसरकर हे सर्व आमदार उपस्थित होते, अशा प्रकारच्या सह्या या अटेंडंटस शीटवर आहेत. याच बैठकीमध्ये आपण उद्धव ठाकरे यांच्या सोबत आहोत आणि गटनेता म्हणून एकनाथ शिंदे यांना गटनेचे पदावरून हटवण्याबाबत प्रस्ताव मांडण्यात आला ज्याला या आमदारांनी अनुमोदन दिलं.
