Mumbai Crime News : मुंबईच्या ओशिवरा परिसरातून एक धक्कादायक घटना समोर येत आहे. दोन सख्ख्या भावांच्या व्यवसायातील चढाओढीत रियल इस्टेट व्यावसायिकावर काठ्या आणि रॉडने हल्ला केल्याची घटना उघडकीस आली आहे. ही घटना २ डिसेंबर रोजी सायंकाळी सात वाजण्याच्या सुमारास घडली. मोठा भाऊ माजीद गुलझार सय्यद लहान भाऊ जाहीर आलम गुलजार सय्यद (४५वर्षे) यांच्यावर हल्ला चढवला आहे.
दरम्यान, जाहीर आलम गुलजार सय्यद यांनी भावाच्या रियल इस्टेट कार्यालयाच्या शेजारीच स्वत:चे कार्यालय सुरू केले. माजीद गुलझार सय्यद यांचे देखील रिअल इस्टेटचे ऑफिस आहे. यामुळे ते नाराज होते. शिवाय आपल्या व्यावसायावर याचा परिणाम होऊ शकतो. या भावनेतून माजीद गुलझार सय्यद याने गुंडांच्या मदतीने सख्ख्या भावावर लाठ्या, रॉड आणि कुबड्याने हल्ला केला आहे.
मिळालेल्या अधिक माहितीनुसार, मुंबईतील जोगेश्वरी पश्चिमेकडील ओशिवरा परिसरात अनेक वर्षांपासून माजीद गुलझार सय्यद हे रियल इस्टेट एजंट म्हणून काम पाहत आहेत. त्यांचा लहान भाऊ जाहीर आलम गुलजार सय्यद हा देखील त्यांना या कामात मदत करत होता. मात्र त्याने आपला दुसरा व्यवसाय चालू करायचं ठरवलं.
त्याचा मोठा भाऊ माजीद गुलजार सय्यदने याबाबतची नाराजी देखील त्याला बोलून दाखवली होती. तरीही त्याने मोठ्या भावाचं न ऐकता आपला व्यवसाय सुरु करून त्याच्याच शेजारी एक डिसेंबर 2023 रोजी जाहीर आलम गुलजार सय्यदने स्वतःच्या रियल इस्टेट कार्यालयाचे उद्घाटन केलं.
याच रागातून २ डिसेंबर सायंकाळी सात वाजण्याच्या सुमारास माजिद याने दोन लोकांना घेऊन जाहीर आलम गुलजार सय्यद याच्या दुकानात जाऊन शिवीगाळ करून दुकान बंद कर अशी धमकी दिली. मात्र जाहीर आलम गुलजार सय्यद याने दुकान बंद करण्यास नकार दिल्यामुळे माजिद आणि त्याच्यासोबत असलेल्या दोन गुंडांनी लाट्या रॉड आणि कुबड्या यांच्या मदतीने जाहीर आलम गुलजार सय्यद याच्यावर जीवघेणा हल्ला चढवला.
यासंदर्भात पोलिसांनी जाहीर आलम गुलजार सय्यद याला ओशिवरा पोलीस ठाण्यात बोलावून तक्रार देण्यास सांगितले. मात्र आईच्या आजारपणाच्या काळजीपोटी जाहीर आलम गुलजार सय्यदने मला कोणतीही तक्रार द्यायची नसल्याचा जबाब पोलिसांनी नोंदवून घेतला आहे.
