पुणे : पुण्यातील नर्हे येथे एका महिलेचा लपून अंघोळ करतानाच व्हिडीओ काढून घेतला. त्यानंतर तिला व्हिडीओ व्हायरल करण्याची धमकी देत, तिच्यावर वारंवार बलात्कार केला. हा प्रकार २०१६ पासून नोव्हेंबर २०२३ पर्यंत वडगाव बुद्रुक आणि नऱ्हे येथे घडला.
याप्रकरणी सिंहगड रोड पोलिसांनी लष्करात असलेल्या जवानांविरोधात विरोधात गुन्हा दाखल केला आहे. बळीराम माधव गुट्टे (वय ३५, रा. १०२, इंजिनियर रेजिमेंट, भोपाळ) असे आरोपीचं नाव आहे. याप्रकरणी ३५ वर्षीय महिलेने फिर्याद दिली आहे. (Sinhagad Road Police)
दरम्यान, गुट्टे आणि पीडित महिला एकमेकांचे जवळचे नातेवाईक आहेत. त्याने महिलेचा लपून अंघोळ करत असतानाचा व्हिडिओ काढून त्या आधारे तिला ब्लॅकमेल करत वारंवार बळजबरीने शरीर संबंध ठेवले. तसेच तिची बदनामी करून तिचा व्हिडिओ व्हायरल करण्याची धमकी दिली.
तसेच, त्यांच्या घरी येऊन वेगवेगळ्या ठिकाणी बोलावून घेत जबरदस्तीने अत्याचार केला. या संदर्भात कोणाला काही सांगितल्यास घरच्यांना आणि गावातील लोकांना सगळं काही सांगेन. तसेच, व्हिडिओ व्हायरल करून तुझी बदनामी करेन अशी धमकी महिलेला दिली.
