PM Narendra Modi : नवी दिल्ली : पंतप्रधान मोदी हे जगात आवडते पंतप्रधान आहेत असं म्हणलं तरी वावगं ठरणार नाही. कारण,जॉर्जिया मेलोनी म्हणजेच इटलीच्या पंतप्रधानांनी पंतप्रधान नरेंद्र मोदी यांच्याबरोबरचा एक सेल्फी शेअर केला आहे. जॉर्जिया मेलोनी यांनी आपल्या सोशल मीडिया अकाऊंटवर भारताचे पंतप्रधान नरेंद्र मोदी यांच्यासोबतचा फोटो एक्सवर शेअर केला आहे. सेल्फी शेअर करताना #Melodi असा हॅशटॅग वापरला आहे. तसेच त्यांनी कॅप्शनमध्ये “चांगले मित्र सीओपी-२८मधील” असं कॅप्शन दिलं आहे. या सेल्फीमध्ये पंतप्रधान मोदी आणि पंतप्रधान मेलोनी हसताना दिसत आहेत.
मेलोनी यांनी पोस्टमध्ये वापरलेल्या हॅशटॅगवरून सोशल मीडियावर विविध तर्क वितर्क लावले जात आहेत. Meloni आणि Modi असे दोन शब्द एकत्रित करत इटलीच्या पंतप्रधानांनी #Melodi असा हॅशटॅग वापरला आहे. पीएम मेलोनी यांनी शेअर केलेला हा सेल्फी सोशल मीडियावर व्हायरल झाला आहे. नेटकऱ्यांकडून यावर मोठ्या प्रमाणात प्रतिक्रिया दिल्या जात आहेत.
पंतप्रधान मेलोनी यांनी काही दिवसांपूर्वी दिल्लीत पार पडलेल्या जी-२० शिखर परिषदेला हजेरी लावली होती. यावेळीही मोदी आणि मेलोनी यांचे फोटो तुफान व्हायरल झाले होते. संयुक्त अरब अमिराती येथे नुकतंच ‘वर्ल्ड क्लायमेट अॅक्शन समिट’चं (सीओपी-२८ समिट) आयोजन करण्यात आलं होतं. या बैठकीला इटलीच्या पंतप्रधान जॉर्जिया मेलोनी आणि पंतप्रधान नरेंद्र मोदी हेही उपस्थित होते. यावेळी मलोनी यांनी मोदींबरोबर सेल्फी काढला आहे. हा सेल्फी सध्या सोशल मीडियावर तुफान व्हायरल झाला असून चर्चेचा विषय ठरत आहे.
