लोणी काळभोर : हडपसरजवळील शेवाळेवाडीतील सानिका व आकांक्षा या दोन बाल मैत्रिणींच्या आत्महत्येला १४ तास उलटूनही मृत्यूचे गूढ कायम आहे. हडपसर पोलीस सदर घटनेचा कसून तपास करीत आहेत.
सानिका हरिश्चंद्र भागवत (वय- १९) आणि आकांक्षा औदुंबर गायकवाड (वय- १९) अशी आत्महत्या केलेल्या दोन बालमैत्रिणींची नावे आहेत.
मिळालेल्या माहितीनुसार, सानिका भागवत आणि आकांक्षा गायकवाड ह्या दोघी बालमैत्रिणी होत्या. सानिका हि शेवाळवाडी (ता. हवेली) येथील अभिनंदन क्रिस्टल टॉवर या इमारतीत राहत होती. सानिकाने काल मंगळवारी (ता.१३) सायंकाळी साडेपाच वाजण्याच्या सुमारास राहत्या घरी गळफास घेऊन आत्महत्या केली. या घटनेची माहिती मिळताच पोलिसांनी घटनास्थळी धाव घेतली. रुग्णवाहिकेतून सानिकाचा मृतदेह शवविच्छेदनासाठी घेऊन जात होते.
दरम्यान, सानिकाने आत्महत्या केल्याची माहिती मिळताच, तिची बालमैत्रीण आकांक्षा तेथे आली. आकांक्षाने सानिकाचा मृतदेह पहिला. त्यानंतरआकांक्षाने त्याच इमारतीच्या पाचव्या मजल्यावरुन मंगळवारी सायंकाळी साडेसात वाजण्याच्या सुमारास उडी मारली. सानिकाच्या रुग्णवाहिकेजवळ ती पडली. आणि सानिकाचा जागीच मृत्यू झाला. दोघींच्याही आत्महत्येला १४ तास उलटूनही मृत्यूचे गूढ अद्याप समजले नाही. तरी, पुढील तपास हडपसर पोलिस करीत आहेत.
