जीवन सोनवणे
पुणे, ता.१६ : हॉटेलमध्ये असो वा इतर कुठंही लहान मुलांना कामावर ठेवणे किंवा व्यावसायिक कारणासाठी त्यांच्याकडून काम करून घेणे कायद्याने गुन्हा आहे. पण त्याकडे काहीजण सर्रासपणे दुर्लक्ष करतात. अशाचप्रकारे एका हॉटेलमध्ये अल्पवयीन मुलाला कामाला ठेवल्याने एकावर राजगड पोलिस ठाण्यात गुन्हा दाखल करण्यात आला आहे.
विशाल ज्ञानेश्वर कोंडे (रा. खेड शिवापूर बाग, हवेली, जि. पुणे) असे संबंधिताचे नाव आहे. पुणे-सातारा रस्त्यावरील मौजे खेड शिवापूर येथे चंद्रप्रसाद या हॉटेलमध्ये 13 वर्षीय अल्पवयीन बालक काम करत असल्याची तक्रार देण्यात आली. या तक्रारीवरून पोलिसांनी कडक पावले उचलत विशाल कोंडे याच्याविरोधात गुन्हा दाखल केला आहे. याप्रकरणाचा पुढील तपास राजगड पोलिस करत आहेत.
