अमिन मुलाणी
Shirur News : सविंदणे : शिरूर शहरात गणेश विसर्जन आणि दुसऱ्या दिवशी जश्न-ए-ईद मिलादुन्नबी म्हणजे पैगंबर जयंती दोन्ही समाज बांधवांनी मोठ्या उत्साहात साजरी केली. या दोन्ही उत्सवांच्या एकत्रित मिरवणुका काढण्यात आल्या होत्या.
समाजांमध्ये सलोखा टिकवून ठेवणारा उपक्रम
मिरवणुकी दरम्यान शिरूर शहर महाराष्ट्र नवनिर्माण सेनेच्या वतीने महाप्रसादाचे वाटप करण्यात आले. (Shirur News) शिरूर शहरात दोन्ही समाजांमध्ये सलोखा टिकवून आगळावेगळा उपक्रम राबविल्याबद्दल, महाराष्ट्र नवनिर्माण सेनेचे पुणे जिल्हा उपाध्यक्ष महिबुब सय्यद, प्रवासी संघाचे अध्यक्ष अनिल बांडे, मनसेचे शहराध्यक्ष संदीप कडेकर, अविनाश घोगरे, विधी विभाग तालुका अध्यक्ष आदित्य मैड, मनसे जनहित कक्षाचे शहराध्यक्ष रवि लेंडे, यांचा डी.वाय.एस.पी. गवारे व शिरूर पी.आय. संजय जगताप यांच्या हस्ते सन्मान करण्यात आला.
सर्व मुस्लिम समाज बांधवांनी त्यांचे आभार मानले. सन्मान घेणाऱ्यापेक्षा सन्मान देणारा नेहमीच श्रेष्ठ असतो, अशा भावना यावेळी त्यांनी व्यक्त केल्या.
अधिक बातम्या वाचण्यासाठी येथे क्लिक करा :
Shirur News : मुखईच्या आश्रमशाळेची सॉफ्टबॉल स्पर्धेत राज्यस्तरावर निवड
Shirur News : राष्ट्रीय शालेय कुस्ती स्पर्धेत सणसवाडीच्या मनस्वी पांढरेची ब्रांझ पदकाला गवसणी
