कोतवाली, (नगर) : कोयत्याचा धाक दाखवून व लाथाबुक्क्यांनी मारहाण करून दोघा जणांना लुटणाऱ्या टोळीतील एका आरोपीला कोतवाली पोलिसांनी जेरबंद केले आहे.
अभिषेक विजय मोढवे, (रा. अंबिका चौक, वाकोडी फाटा, सोलापुर रोड, अहमदनगर) असे आरोपीचे नाव आहे.
पोलीस निरीक्षक चंद्रशेखर यादव यांनी दिलेल्या माहितीनुसार, बुरुडगाव रस्त्यावरील नक्षत्र लॉन येथे शनिवारी (ता. १९ ऑगस्ट) रात्री चार जणांच्या टोळीने कोयत्याचा धाक दाखवून मालवाहूनेल्याची तक्रार देण्यात आली होती. तसेच अज्ञात चोरट्यांच्या विरोधात गुन्हा दाखल करण्यात आला होता.
या प्रकरणी पोलीस तपास करीत असताना गुन्ह्यातील अभिषेक मोढवे या आरोपीचे नाव निष्पन्न झाले. कोतवाली पोलिसांनी आरोपीचा शोध घेऊन त्याला अटक केली आहे. गुन्ह्यातील इतर तीन आरोपींचा शोध सुरू आहे. आरोपीने गुन्ह्याची कबुली दिली असून न्यायालयाने ४ दिवसांची पोलीस कोठडी सुनावली आहे.
सदरची कामगिरी पोलीस निरीक्षक चंद्रशेखर यादव यांच्या मार्गदर्शनाखाली पोलीस उपनिरीक्षक अश्विनी मोरे, पोलीस नाईक संदिप पितळे, हवालदार तानाजी पवार, सत्यजीत शिंदे, दिपक रोहोकले यांनी ही कारवाई केली. पुढील तपास उपनिरीक्षक अश्विनी मोरे करीत आहेत.
