Pune Accident News : पुणे : कात्रज-कोंढवा रस्त्यावर बॅडमिंटन खेळून दुचाकीवरून रात्री घरी निघालेल्या आयटीतील तरुणाचा अपघातात जागीच मृत्यू झाल्याची घटना घडली आहे. शनिवारी रात्री कात्रज-कोंढवा रस्त्यावर गोकुळनगर जवळील पॅरामाउंट सोसायटीसमोर ही घटना घडली आहे. (Pune Accident News)
ठिकठिकाणी मोठ्या प्रमाणावर खड्डे
आदित्य लाहोटी (वय ३०) असे अपघातात मृत्यू झालेल्या तरुणाचे नाव आहे. दुचाकी घसरल्याने आदित्य रस्त्यावर पडला. त्यावेळी मागून येणारा मोठा ट्रेलर त्याच्या अंगावरून गेल्याने गंभीर जखमी होऊन आदित्यचा मृत्यू झाला आहे. (Pune Accident News)
मिळालेल्या माहितीनुसार, आदित्य लाहोटी हा कोंढवा बुद्रुक येथील टिळेकरनगरमधील आकृती कंट्रीवुड्स या सोसायटीत राहत होता. ‘शनिवारी-रविवारी सुटी असल्याने आदित्य नियमितपणे बॅडमिंटन खेळण्यासाठी जात होता. तो एका खासगी आयटी कंपनीत कामाला होता. त्याच्या पश्चात वडील, आई आणि दोन बहिणी असा परिवार आहे. (Pune Accident News)
दरम्यान, कात्रज-कोंढवा रस्त्याची गेल्या काही वर्षांपासून दुर्दशा झालेली आहे. त्यातच दुचाकी घसरल्याने आदित्य रस्त्यावर पडला. त्यावेळी मागून येणारा मोठा ट्रेलर त्याच्या अंगावरून गेल्याने गंभीर जखमी होऊन आदित्यचा मृत्यू झाला. पावसामुळे ठिकठिकाणी मोठ्या प्रमाणावर खड्डे पडले आहेत. त्यामुळे रस्त्यावर धोकादायक चित्र पाहायला मिळते आहे. दुचाकीस्वारांना येथून जीव मुठीत घेऊनच प्रवास करावा लागतो.
