Pune accident पुणे : भीषण अपघातात जिवलग मित्रांचा मृत्यू झाल्याची हृदयद्रावक घटना समोर आली आहे. भरधाव टिप्परने दुचाकीवर असलेल्या या दोघांना जोरदार धडक दिली. यामध्ये दोन मित्रांचा जागीच मृत्यू झाला. (Pune accident) आळंदी –पंढरपूर राष्ट्रीय पालखी महामार्गावर तांबमळा (फरांदवाडी) येथे हा अपघात झाला आहे. या घटनेनंतर परिसरात शोककळा पसरली असून सर्वत्र हळहळ व्यक्त केली जात आहे. (Speeding tipper collides with two-wheeler; Two friends died in a terrible accident)
अमिर ताजुद्दीन शेख (वय 32, रा. शुक्रवार पेठ फलटण) आणि गणेश सुनिल लोंढे (वय 35, रा. मंगळवार पेठ, फलटण) असे मृत्यू पावलेल्या मित्रांचे नाव आहे. या अपघाताप्रकरणी (Pune accident) फलटण शहर पोलीस ठाण्यात गुन्हा दाखल करण्यात आला आहे.
तांबमळा (फरांदवाडी) येथे झाला अपघात
मिळालेल्या माहितीनुसार, मंगळवारी 16 मे रोजी मध्यरात्री 12 वाजताच्या सुमारात अमिर व गणेश हे दोघही बुलेटवरून फलटणकडे आळंदी –पंढरपूर राष्ट्रीय पालखी महामार्गावरून येत होते. यादरम्यान तांबमळा येथील गुरू हॉटेलच्या पुढील बाजूस टाटा कंपनीच्या दहाचाकी टिप्परने समोरून दुचाकीला जोरदार धडक दिली. (Pune accident)ही धडक एवढी भीषण होती की,यामध्ये दुचाकीवरील असलेल्या अमिर व गणेशचा जागीच मृत्यू झाला. अमिर शेख हा बिर्याणी हाऊस चालवत होता, तर गणेश लोंढे याचा चायनिजचा गाडा होता. या दोघांच्या अशा जाण्याने परिसरात सर्वांनाच धक्का बसला आहे. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Accident | पुणे-सोलापूर महामार्गावर अपघात; बसची ट्रकला धडक, १६ प्रवासी जखमी…
