Accident चाकण, (पुणे) : चाकण- शिक्रापूर मार्गांवरील शेलपिंपळगाव (ता. खेड) ग्रामपंचायत हद्दीत कंटेनरने दुचाकीला दिलेल्या धडकेत (Accident) दुचाकीवरील एका ज्येष्ठ नागरिकाचा जागेवरच मृत्यू झाला आहे. तर त्यांची पत्नी जखमी झाली आहे. (Accident) गुरुवारी (ता. ११) सायंकाळी चार वाजण्याच्या सुमारास हि घटना घडली आहे. (Accident)
चाकण पोलीस ठाण्यात गुन्हा दाखल
बाळू बंडू थोरवे (वय ६०, रा. शेलपिंपळगाव, ता. खेड) असे अपघातात मृत्यू झालेल्या ज्येष्ठ नागरिकाचे नाव आहे. अपघातप्रकरणी आरोपी कंटेनर चालक अवधेश कुमार अरुण वर्मा (रा.मध्य प्रदेश) याला अटक केली आहे. तर शिवाजी बंडू थोरवे यांनी चाकण पोलीस ठाण्यात फिर्याद दिली आहे.
पोलिसांनी दिलेल्या माहितीनुसार,गुरुवारी चारच्या सुमारास थोरवे हे त्यांच्या पत्नीसह दुचाकीवरून शेलपिंपळगाव येथील चौकातून दौंडकरवाडीकडे रस्ता ओलांडत होते. त्यावेळी शिक्रापूर बाजूकडून आलेल्या कंटेनरने दुचाकीला जोरदार धडक दिली. त्यामुळे झालेल्या अपघातात दुचाकीस्वार बाळू थोरवे यांचा जागीच मृत्यू झाला. तर पत्नी जखमी झाली असून त्यांच्यावर एका खाजगी रुगणालयात उपचार सुरु आहेत.
दरम्यान, कंटेनर चालक आरोपीला पोलिसांनी अटक केली असून पुढील तपास चाकण पोलीस करीत आहेत.
अधिक बातम्या वाचण्यासाठी येथे क्लिक करा :
Accident News : दशक्रिया विधीसाठी निघालेल्या पती पत्नीचा कात्रज परिसरात अपघाती मृत्यू…
Accident | भरधाव आयशरची चार वाहनांना धडक ; टेम्पो पलटला, फुरसुंगी परिसरातील घटना..
