लोणी काळभोर, (पुणे) : लोणी काळभोर पोलीस ठाण्यातील गुन्हे शाखेतील पोलीस अधिकारी व कर्मचाऱ्यांचा उत्कृष्ठ कामगिरीबाबत पुणे शहर पोलिस आयुक्त अमिताभ गुप्ता यांच्या हस्ते प्रशस्तीपत्र देऊन सन्मानित करण्यात आले आहे.
थेऊर (ता. हवेली) ग्रामपंचायत हद्दीतील यशवंत सहकारी साखर कारखान्याच्या पडीक जागेत एक अनोळखी अनोळखी महिलेचा तिच्या डोक्यात दगड घालुन खून करण्यात आला होता. त्यानुसार पोलिसांनी अज्ञात व्यक्तींच्या विरोधात लोणी काळभोर पोलीस ठाण्यात गुन्हा दाखल करण्यात आला होता. मृत अनोळखी महिलेबाबत कोणत्याही प्रकारची माहिती उपलब्ध नसताना तसेच तिची ओळख पटलेली नसल्याने तिची ओळख पटविण्याचे आव्हान पोलिसांसमोर होते.
पोलीस निरीक्षक राजेंद्र मोकाशी यांनी तपास पथकाला योग्य त्या सुचना देऊन तपास करण्याच्या सूचना दिल्या होत्या. त्यानुसार पोलिसांनी तांत्रिक विश्लेषणाच्या आधारे तपास सुरू केला होता. त्यानुसार तपासात पोलिसांना सदर ठिकाणावरून साडे आकरा वाजण्याच्या सुमारास त्या ठिकाणावरून मोबाईलवरून संभाषण झाले. व नंतर पुढील दोन दिवस फोन हा बंद असल्याने पोलिसांना संशय बळावला होता. त्यानुसार हा फोन मृत महिलेचा असल्याचे तपासात निष्पन्न झाले. व त्या मोबाईल वरून मृत महिलेच्या मोबाईलवरती कोणी फोन केले यावरून सदर आरोपीला तळेगाव दाभाडे परिसरातून अटक केली होती. त्याच्याकडून पोलिसांनी दुचाकी व मोबाईल फोन जप्त केला होता.
यावरून लोणी काळभोर पोलिसांनी महिलेचा प्रियकर महेश चौगुले याला तपासासाठी पोलिसांनी ताब्यात घेतले. चौकशी करीत असताना सुरुवातीला त्याने उडवाउडवीची उत्तरे दिली. त्यानुसार त्याच्याकडे सखोल तपास केला असता त्याने सदर महिलेचे नाव सांगितले. तिच्याशी प्रेमसंबंध असल्याचे त्याने सांगितले. तसेच चारित्र्याच्या संशयावरून तिचा डोक्यात दगड घालून खून केल्याची कबुली महेश चौगुले याने पोलिसांना दिली होती.
या कामगिरीबाबत लोणी काळभोर पोलीस ठाण्याचे वरिष्ठ पोलीस निरीक्षक राजेंद्र मोकाशी, गुन्हे शाखेचे पोलीस निरीक्षक सुभाष काळे यांचे मार्गदर्शनाखाली पोलीस उपनिरीक्षक अमित गोरे, पोलीस हवालदार नितीन गायकवाड, संतोष होले, आनंद पाटोळे,श्रीनाथ जाधव, संभाजी देविकर, अमित साळुंखे, गणेश भापकर, राजेश दराडे, बाजीराव विर, शैलेश कुदळे, निखील पवार, दिपक सोनवणे, मल्हारी ढमढेरे, विश्रांती फणसे यांचे पथकाने केली होती.
