दीपक खिलारे
Indapur | इंदापूर : शहरातील अहमदरजा सोशल फौंडेशनच्या वतीने शहरातील मुस्लिम बांधवांना मोफत शिरखुर्मा किटचे वाटप केले.
शहरातील प्रसिद्ध व्यापारी, कर्मयोगी शंकररावजी पाटील सहकारी साखर कारखान्याचे व्हा. चेअरमन भरत शहा व अॅड. राहुल मखरे यांच्या मार्गदर्शनाखाली अहमदरजा सोशल फौंडेशनच्यावतीने हा उपक्रम शहरात राबविला जातो.
अहमद रजा सोशल फौंडेशनच्या वतीने शहरातील सरस्वतीनगर भागात अल्ताफ काझी, कसबा व तापी भागात मोहसीन शेख, व्यंकटेश नगर भागात अमीर पठाण, बागवान गल्ली व सातपुडा भागात रियाज बागवान, मोमीन गल्ली भागात जुनेद मोमीन, टेंभूर्णी नाका भागात हमीद बागवान, तसेच शेख मोहल्ला भागात अतीक मोमीन या कार्यकर्त्यांनी शिरखुर्मा किटचे वाटप केले.
भविष्यातही अशाच प्रकारे अनेक प्रकारची समाज उपयोगी कामे फौंडेशन च्या वतीने करण्यात येणार आहेत. अशी माहिती अहमद रजा सोशल फौंडेशनचे सदस्य अतिक मोमीन, तोसिफ बागवान, जुनेद जिकरे, सलमान शेख, रियाज शेख, जुनेद शेख, अनिस शेख यांनी दिली.
