पिंपरी-चिंचवड : pimpri -chinchawad Accident पुणे शहरात एका पोलीस कर्मचाऱ्याला कार चालकाने कारच्या बोनेटवरून फरफटत नेले असल्याची घटना ताजी असताना आता पिंपरी-चिंचवड शहरातून अशीच एक घटना समोर आली आहे. (pimpri -chinchawad Accident) वाहतुकीचे नियमन करत असलेल्या एका वाहतूक पोलीसाला भरधाव कार चालकाने उडवत पोलिसाला कारच्या बोनेटवरून घेऊन जात जीवे मारण्याचा प्रयत्न केला. हा पोलीस कर्मचारी चिंचवड वाहतूक विभागाच्या कार्यालयासमोर वाहतुकीचे नियमन करत असताना हा प्रकार घडला. (pimpri -chinchawad Accident)
पिंपरी चिंचवडमधील प्रकार
याप्रकरणी चिंचवड पोलीस ठाण्यात वाहतूक पोलिस किरण माणिकराव घोडके (वय 30) यांनी तक्रार दाखल केली आहे. त्यावरून एमएच 02/बीवाय 1644 क्रमांकाच्या कार चालकाच्या विरोधात गुन्हा दाखल करण्यात आला आहे. प्रकार मंगळवारी (दि. 4) सायंकाळी साडेचार वाजता घडला. पोलीस कर्मचारी घोडके जखमी झाले आहेत.
मिळालेल्या माहितीनुसार, तक्रारदार पोलीस कर्मचारी घोडके हे चिंचवड वाहतूक विभागात नेमणुकीस आहेत. ते मंगळवारी सायंकाळी पिंपरी-चिंचवड वाहतूक विभागाच्या कार्यालयासमोर वाहतुकीचे नियमन करत होते.त्यावेळी भरधाव वेगात आलेल्या कारने घोडके यांना उडवले. त्यांना बोनेटवर घेऊन काही अंतरावर नेले.
या घटनेत घोडके जखमी झाले तर, त्यांच्या हातातील ई चलन मशीन फुटून नुकसान झाले. या घटनेनंतर कार चाकल घटनास्थळावरून पसार झाला. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Pimpri Accident : सिमेंट क्रॉंकीटच्या ट्रकखाली येऊन युवकाचा मृत्यू ; पिंपरी चिंचवड परिसरातील घटना..!
