(Loni Kalbhor Crime ) लोणी काळभोर (पुणे ): हवेली तालुक्यातील नायगावात भरदिवसा बंद फ्लॅट फोडून चोरट्यांनी दीड लाखांचा ऐवज चोरून नेला आहे. भर दिवसा घरफोडी झाल्याने गावात दहशतीचे वातावरण आहे.
अज्ञात चोरट्याविरोधात लोणी काळभोर पोलीस ठाण्यात गुन्हा…!
याप्रकरणी लोणी काळभोर पोलीस ठाण्यात ३२ वर्षीय महिलेने तक्रार दिली आहे. त्यानूसार, अज्ञात चोरट्याविरोधात गुन्हा नोंद केला आहे.
मिळालेल्या माहितीनुसार, तक्रारदार नायगाव येथील रेल्वेगेट शेजारी राहण्यास आहेत. त्या काही कामानिमित्त शुक्रवारी सकाळी ९च्या सुमारास घराला कुलूप लावून गेल्या होत्या. यादरम्यान, चोरट्यांनी त्यांच्या घराचे कुलूप उचकटून आत प्रवेश केला. तसेच, घरातील लोखंडी कपाटात ठेवलेले सोन्याचे व चांदिचे दागिने आणि रोकड असा एकूण १ लाख ५० हजार रुपायंचा ऐवज चोरून नेला. तक्रारदार या दुपारी परत आल्या असता त्यांना चोरी झाल्याचे दिसून आले. पुढील तपास पोलीस करत आहेत.
