Baramati Crime News | बारामती, (पुणे) : दुचाकी घसरून स्वतःच स्वतःच्या मृत्यूस व मोटारसायकलच्या नुकसानीस कारणीभूत असल्याप्रकरणी एका मुलाने वडिलांच्या विरोधात वडगाव निंबाळकर (Baramati Crime) पोलीस ठाण्यात फिर्याद दिली आहे. दुचाकी घसरून झालेल्या अपघातात उपचारादरम्यान ७० वर्षीय वडिलांचा मृत्यू झाला आहे.
अमर विलास वाबळे (वय -४० वर्षे रा. पाडेगाव मोहीतेवस्ती ता. फलटण जि. सातारा) असे फिर्यादीचे नाव असून विलास तुकाराम वाबळे (वय – ७० रा. पाडेगाव मोहीतेवस्ती ता. फलटण जि. सातारा) असे अपघातात मृत्यू झालेल्या व्यक्तीचे नाव आहे.
पोलिसांनी दिलेल्या माहितीनुसार, २ डिसेंबर २०२२ ला दुपारी १२ वाजण्याच्या सुमारास निंबुत (ता. बारामती) गावच्या हद्दीत बंधाऱ्यावरून जात असताना स्वतः भरधाव वेगात दुचाकी चालवत घेवून जात असताना दुचाकी घसरून दुचाकीसह बंधाऱ्याच्या खाली पडले होते. या अपघातात वडील विलास वाबळे यांच्या डाव्या मांडीचे हाड फॅक्चर होवून तसेच डाव्या पायाच्या पंज्यावर, घोठ्याजवळ, डोक्यास इजा झाल्याने त्यांना उपचारासाठी दवाखान्यात दाखल करण्यात आले होते. मात्र पुण्यातील संचेती हॉस्पिटल येथे त्यांचा उपचारादरम्यान ५ डिसेंबर २०२२ रोजी मृत्यू झाला.
दरम्यान, या अपघातात दुचाकीचे नुकसान झाले आहे. सदरच्या अपघातास विलास वाबळे हे स्वतः स्वतःचे मृत्यूस व मोटारसायकलचे नुकसानीस कारणीभूत झाले आहेत. म्हणून फिर्यादीने त्यांच्याविरुध्द वडगाव निंबाळकर पोलीस ठाण्यात फिर्याद दिली आहे. पुढील तपास पो.ना. देशमाने करीत आहेत.
अधिक बातम्या वाचण्यासाठी येथे क्लिक करा…
Hadapsar News ;साहेब मी जाऊन येतोय;,म्हणत हडपसर पोलीस ठाण्यातील एक अधिकारी अचानक झाला गायब
Shikrapur Crime | शिक्रापूर येथील शरद बँकेच्या एटीएम मशीनमधून ९० हजारांची रोकड चोरी
