MSRTC News| पुणे : महाराष्ट्रातील महिलांसाठी आता एक खुशखबर आहे. महिलांना आज शुक्रवार (ता.१७) पासून एस टी बस प्रवासात ५० टक्के सवलत देण्यात येणार आहे.
या योजनेला महिला सन्मान योजना म्हणून ओळखले जाणार…
तर एसटी महामंडळाच्या (MSRTC) या योजनेला महिला सन्मान योजना म्हणून ओळखले जाणार आहे.राज्याच्या अर्थसंकल्पात उपमुख्यमंत्री, अर्थमंत्री देवेंद्र फडणवीस यांनी अनेक घोषणा ९ मार्चला केल्या आहेत. यामध्ये एसटीमधून प्रवास (ST News) करणाऱ्या महिलांना प्रवास तिकिट दरात ५० टक्के सवलत देणार असल्याचे जाहीर केले. अखेर या आदेशाचा आज जीआर (GR) निघाला असून आजपासून त्याची अंमलबजावणी करण्यास सुरवात झाली आहे.
राज्य शासन एसटी महामंडळाच्या माध्यमातून समाजातील विविध घटकांना ३३ ते १०० टक्के पर्यंत प्रवासी तिकीट दरात सवलत देते. यापूर्वी स्वातंत्र्याच्या अमृत महोत्सव निमित्त राज्य शासनाने ७५ वर्षे पूर्ण झालेल्या ज्येष्ठांना एसटीच्या सर्व प्रकारच्या बसमधून मोफत प्रवासाची सवलत जाहीर केली होती.
तसेच ६५ ते ७५ वर्षाच्या ज्येष्ठांना एसटीच्या बसमधून तिकीट दरात ५० टक्के सवलत देण्याची घोषणा केली होती. त्यानुसार या दोन्ही घटकांना एसटीच्या प्रवासी भाड्यात सवलत दिली जाते. या प्रवाशांच्या तिकीट दरातील शुल्क प्रतिपूर्ती महाराष्ट्र सरकार करणार आहे.
दरम्यान, महिलांना तिकीटामध्ये ५० टक्के सवलत देण्याची मागणी महिला एसटी प्रवाशांकडून मोठ्या प्रमाणावर होत आहे. काही ठिकाणी वादाचे रुपांतर भांडणात होऊ लागली असल्याने एसटी कर्मचारी भीतीच्या छायेत वावरत असल्याचा दावा कर्मचारी संघटनांनी केला आहे. लातूर जिल्ह्यातील रेणापूरमध्ये एका वाहकाला महिला प्रवाशाच्या नातेवाईकाने बेदम मारहाण केली. या मारहाणीत एसटी वाहक जखमी झाला आहे. पोलिसांनी आरोपी नातेवाईकाला ताब्यात घेतले असल्याची माहिती येत आहे.
अधिक बातम्या वाचण्यासाठी येथे क्लिक करा…
