पुणे : ब्रेक फेल झालेल्या कंटेनरने चार वाहनांना धडक दिल्याची धक्कादायक घटना नऱ्हे येथील सेवा रस्त्यावरील भूमकर पुल चौकात शनिवारी (ता.११) सायंकाळी पावणे सात वाजण्याच्या सुमारास घडली आहे. या अपघातात दोन जन गंभीर जखमी झाले आहे.
मिळालेल्या माहितीनुसार, शिरवळवरून फ्रिज व इतर साहित्य घेऊन कंटेनर निघाला होता. कंटेनर नऱ्हे येथील भूमकर पुलाजवळ सेवा रस्त्यावर आला. त्याचवेळी कंटेनरचा अचानक ब्रेक फेल झाला.
या ब्रेक फेल झालेल्या कंटेनरने समोर असणाऱ्या दोन चारचाकी , एक रिक्षा व एका दुचाकीला जोरदार धडक दिली. या अपघातात दोन जण गंभीर जखमी झाले. अपघात झाल्यानंतर परिसरातील नागरिकांनी कंटेनर चालकाला बेदम मारहाण केली.
दरम्यान, भूमकर पुलाजवळ वाहतूक कर्मचारी माधव गोपनर, महेंद्र राऊत, सुशांत यादव या कर्मचाऱ्यांच्या ही बाब लक्षात आली. त्यामुळे यांनी त्वरित रस्त्याने येणारी वाहतूक थांबवली. त्यामुळे मोठी दुर्घटना टळली.
कंटेनर चालक पंकज महापात्रे (वय-५७, रा. उमरगा, जिल्हा उस्मानाबाद) याला सिंहगड रोड पोलिसांनी ताब्यात घेतले आहे.
