सागर जगदाळे
भिगवण : रोजच्या धावपळीच्या युगात प्रत्येक व्यक्तीला आपल्या शरीराकडे म्हणावे असे लक्ष देता येत नाही. रोजच्या कामाच्या ताणतणावामुळे शारीरिक आरोग्याची काळजीकडे दुर्लक्ष होते व त्याचा विपरीत परिणाम हा मानवाच्या स्वास्थ्यावर होतो. सर्व शारीरिक तपासण्या करणे अलीकडील महागाईच्या काळात सामान्य नागरिकांना शक्य होत नाही. यामुळे रोटरी क्लब भिगवण व ग्रामीण रुग्णालय भिगवण यांच्या संयुक्त विद्यमानाने मोफत आरोग्य शिबीराचे आयोजन करण्यात आले आहे.
सदरील मोफत आरोग्य शिबीर मंगळवार(दि.०७) रोजी सकाळी १० ते १२ या वेळेमध्ये ग्रामीण रुग्णालय भिगवण, या ठिकाणी आयोजित करण्यात आले आहे. या मोफत आरोग्य तपासणी शिबीरामध्ये प्रत्येकाची आरोग्य तपासणी (सर्व Blood Test) करण्यात येणार आहे.
या शिबीरात डॉ.रामेश्वर भोसले (MD Medicine) यशोधरा आयसीयु यांच्यामार्फत योग्य वैद्यकीय सल्ला देण्यात येणार असून उपचारांबाबत मार्गदर्शन केले जाणार आहे. रोटरी क्लब व ग्रामीण रुग्णालय भिगवण यांच्या वतीने सर्व नागरिकांनी या मोफत शिबिराचा लाभ घ्यावा असे आवाहन करण्यात आले आहे.
