माळेगाव : दिवाळी सणाची सुरुवात झाली, तरी माळेगाव नगर पंचायतीच्या कामगारांना दिवाळी बोनस मिळाला नसल्याने कामगारांनी नाराजी व्यक्त केली आहे. बारामती तालुक्यातील पहिली नगर पंचायत म्हणून माळेगावची ओळख आहे. माळेगाव नगर पंचायतीच्या स्वच्छता, आरोग्य, पाणीपुरवठा, साफसफाईचे काम करणाऱ्या सुमारे ४० कामगारांना दिवाळी बोनस मिळाला नाही.
त्यामुळे दिवाळी खरेदी, मुलांना कपडे, फटाके आम्ही कधी खरेदी करणार? असा सवाल काही कामगारांनी केला आहे. दरम्यान, मुख्याधिकारी बालाजी लोंढे म्हणाले की, माळेगाव नगरपंचायतीची आर्थिक परिस्थिती सध्या नाजूक आहे. तरीही सर्व कर्मचाऱ्यांना त्यांच्या पगाराएवढा बोनस मंगळवारी सर्व कामगारांच्या खात्यात जमा होणार आहे.
