नवी दिल्ली: भारतात ॲपल आयफोनच्या निर्मितीचे काम लवकरच टाटा समूहाच्या हाती येणार आहे. टाटा समूहाने विस्ट्रॉन इन्फोकॉम मॅन्युफॅक्चरिंग इंडिया ही भारतातील आयफोन निर्मिती कंपनी ताब्यात घेतली आहे. विस्ट्रॉन इन्फोकॉमची मूळ कंपनी विस्ट्रॉन कॉर्पच्या संचालक मंडळाने या संपादनास मान्यता दिली आहे. इलेक्ट्रॉनिक्स आणि तंत्रज्ञान मंत्री राजीव चंद्रशेखर यांनी शुक्रवारी सोशल मीडियावर ही माहिती दिली. ते म्हणाले की, टाटा समूह अडीच वर्षांत देशांतर्गत आणि जागतिक बाजारपेठेसाठी भारतात आयफोनचे उत्पादन सुरू करेल.
सध्या, विस्ट्रॉनचा भारतीय प्लांट त्याच्या आठ उत्पादन लाइनमध्ये आयफोन-12 आणि आयफोन-14 तयार करत आहे. टाटाच्या अधिग्रहणानंतर विस्ट्रॉन पूर्णपणे भारतीय बाजारपेठेतून बाहेर पडेल, कारण भारतात ॲपल उत्पादनांचे उत्पादन करणारा हा कंपनीचा एकमेव प्लांट आहे.
PM @narendramodi Ji’s visionary PLI scheme has already propelled India into becoming a trusted & major hub for smartphone manufacturing and exports.
Now within just two and a half years, @TataCompanies will now start making iPhones from India for domestic and global markets from… pic.twitter.com/kLryhY7pvL
— Rajeev Chandrasekhar ???????? (@Rajeev_GoI) October 27, 2023
केंद्रीय मंत्री राजीव चंद्रशेखर यांनी सोशल मीडिया प्लॅटफॉर्मवर केलेल्या पोस्टमध्ये म्हटले की, आता अवघ्या अडीच वर्षांत टाटा कंपनी देशांतर्गत आणि जागतिक बाजारपेठेसाठी भारतातून आयफोनचे उत्पादन सुरू करतील. “विस्ट्रॉनचे ऑपरेशन्स हाती घेतल्याबद्दल टाटा टीमचे अभिनंदन.”
वर्षभर चर्चा सुरू होती
हा कारखाना दक्षिण-पूर्व कर्नाटकात आहे. एका अहवालानुसार, मार्च 2024 पर्यंत विस्ट्रॉन या कारखान्यातून सुमारे $1.8 बिलियन किमतीचे ॲपल आयफोन्स बनवेल. टाटा या कारखान्यात जागतिक बाजारपेठेसाठी आयफोन 15 तयार करणार आहे. विस्ट्रॉन कारखान्याचे मूल्य सुमारे 600 दशलक्ष डॉलर्स आहे. सुमारे वर्षभर या कराराची चर्चा सुरू होती.
