मुंबई: राष्ट्रवादी काँग्रेसचे नेते आणि माजी खासदार समीर भुजबळ, माजी आमदार पंकज भुजबळ यांना धक्का देणारी एक मोठी बातमी समोर आली आहे. महाराष्ट्र सदन कथित घोटाळ्याप्रकरणी समीर भुजबळ, पंकज भुजबळ यांच्यासह आणखी 4 जणांना कोर्टाकडून दिलासा मिळालेला नाही. कोर्टाकडून तांत्रिक मुद्द्यांच्या आधारावर ही याचिका फेटाळण्यात आली आहे. याबाबत टीव्ही९ ने वृत्त दिले आहे.
या प्रकरणात माजी खासदार समीर भुजबळ, माजी आमदार पंकज भुजबळ यांच्यासह सत्यन केसरकर, संजय जोशी, तन्वीर शेख, राजेश धारप अशी इतर 4 जणांची नावे आहेत. याबाबत विशेष पीएमएलए कोर्टात याचिका दाखल करण्यात आली होती. ईडीने दाखल केलेला गुन्हा रद्द करावी, अशी प्रमुख मागणी याचिकेत करण्यात आली होती. पण कोर्टाने हीच याचिका फेटाळली आहे. त्यामुळे आता समीर भुजबळ यांना मुंबई हायकोर्टात दाद मागावी लागणार आहे.
