Solapur Politics: सोलापूर जिल्ह्यात शिंदेंच्या सेनेला जबर धक्का बसला आहे. सोलापूर (Solapur Politics) जिल्ह्यातील शिवसेनेचे माजी जिल्हा संपर्कप्रमुख शिवाजी सावंत (Shivaji Sawant) हे भारतीय जनता पक्षात प्रवेश करणार आहेत. हा पक्षप्रवेश बुधवारी ( ता. 12 नोव्हेंबर) ला होणार आहे.
मिळालेल्या माहितीनुसार, शिवाजी सावंत हे मुंबईत भाजप प्रदेशाध्यक्ष रविंद्र चव्हाण आणि पालकमंत्री जयकुमार गोरे यांच्या उपस्थितीत प्रवेश करणार असल्याची माहिती मिळत आहे. ते त्यांचे दोन्ही पुत्र पृथ्वीराज सावंत आणि ऋतुराज सावंत यांच्यासह भाजपमध्ये प्रवेश करणार आहेत. शिवाजी सावंत हे भूम परांडा वाशी विधानसभा मतदारसंघाचे विद्यमान आमदार आणि माजी मंत्री तानाजी सावंत यांचे बंधू आहेत.
12 नोव्हेंबरला पक्ष प्रवेश
दरम्यान, गेल्या काही दिवसांपासून सोलापूर जिल्ह्यात भाजपकडून ऑपरेशन लोटस सुरु असल्याच्या चर्चा होती. यामध्ये आता या पक्ष प्रवेशाने आणखी भर पडली आहे. मागील अनेक दिवसांपासून शिवाजी सावंत हे भाजपत प्रवेश करणार असल्याची जोरदार चर्चा जिल्ह्यात होत होती. अखेर बुधवारी 12 नोव्हेंबरला शिवाजी सावंत हे भाजप प्रदेशाध्यक्ष रविंद्र चव्हाण आणि सोलापूरचे पालकमंत्री जयकुमार गोरे यांच्या उपस्थितीत भाजपमध्ये अधिकृत सामील होणार आहेत.
