सोलापूर: राहत्या घरातील फरशी व्यवस्थित स्वच्छ केली नाही म्हणून एका विवाहितेस सासरच्या मंडळीकडून मारहाण झाल्याची घटना मुळेगाव रोडवरील सग्गम नगर येथे घडली. याप्रकरणी रेशीना नजीर अहमद बागवान (वय-२६, रा. सग्गम नगर, मुळेगाव रोड, सोलापूर) यांनी एमआयडीसी पोलीस ठाण्यात दिलेल्या फिर्यादीवरून सासू आसमा मुक्तीयार बागवान, दीर इब्राहिम बागवान, सासरे मुक्त्यार बागवान (रा.सग्गम नगर) यांच्या विरोधात गुन्हा दाखल करण्यात आला.
यातील फिर्यादी यांनी घरातील फरशी व्यवस्थित स्वच्छ केली नाही म्हणून सासू रागाला जाऊन फिर्यादीच्या तोंडावर जोराचा ठोसा मारून उजव्या बाजूच एक दात तोडला. इब्राहिम बागवान याने फिर्यादीचे केस पकडून ढकलले. यात तोंडाला व हाताला मार लागला. पती सोडवण्यासाठी मध्ये आला असता, त्यांना देखील सासू आणि सासरा यांनी मिळून लाथाबुक्क्यांनी मारहाण केली, असे फिर्यादीत म्हटले आहे. पुढील तपास पोलीस हवालदार गायकवाड हे करीत आहेत.
