सोलापूर : राज्यात सद्या मराठा-ओबीसी मुद्दा पेटलेला आहे. याच पार्श्वभूमीवर शरद पवार यांची गाडी मराठा आंदोलकांनी यांनी अडवली आहे. यावेळी मराठा आंदोलकांकडून एक मराठा, लाख मराठा अशा घोषणा देण्यात आल्या आहेत. मराठा आंदोलक शरद पवार यांच्या गाडीच्या समोर येऊन घोषणा देत होते. शरद पवार आज बार्शी दौऱ्यावर आहेत. या वेळी आंदोलकांनी टेंभुर्णी कुर्डूवाडी रस्त्यावर आंदोलकांनी गाडी अडवून मराठा आरक्षणावर भूमिका स्पष्ट करण्याची मागणी केली.
शरद पवार आज बार्शी दौऱ्यावर आहेत. टेंभुर्णी कुर्डूवाडी रस्त्यावर आंदोलकांनी गाडी अडवली आहे. शरद पवार यांची गाडी कुर्डूवाडी जवळ अडवून मराठा आरक्षणाबाबत भूमिका स्पष्ट करण्याची मागणी केली. सकाळी 11 वाजता बार्शीत शरद पवार यांच्या उपस्थितीत मेळावा तसेच नव्याने निवडून आलेल्या खासदारांचा सत्कार होणार आहे. त्यानंतर दुपारी 4 पर्यंत पवार हे बार्शीत आहेत. संध्याकाळी सोलापूर शहरातील लिमयेवाडी येथे भटके, विमुक्त, ओबीसी मेळावा आयोजित करण्यात आलाय. त्याला ही उपस्थित राहतील.
शरद पवार म्हणाले..
मनसेचे तालुका प्रमुख सागर लोकरे आणि मराठा आंदोलकांनी शरद पवारांची गाडी अडवून मराठा आरक्षणाबाबत भूमिका स्पष्ट करण्याची आंदोलकांची मागणी केली. आंदोलकांनी गाडी अडवल्यानंतर पवारांनी कारचा दरवाजा उघडला आणि आंदोलकांचे म्हणणे ऐकले. त्यानंतर पवारांनी यावेळी माझा पाठींबा आहे, असे ते म्हणाले. त्यानंतर पवारांची गाडी आंदोलकांनी सोडली.
